Ngono Ya Mdomo Inasababisha Saratani

Saratani imeendelea
kuwa tishio hapa nchini huku hofu
ikiendelea kuikumba jamii kutokana na
wataalamu wa afya kushindwa
kufahamu tiba halisi ya maradhi hayo
hatari.

Takwimu kutoka Taasisi ya Saratani ya
Ocean Road zinaonyesha ongezeko la
saratani ya mdomo na koo kwa kiasi
kikubwa kutoka kesi 167 mwaka 2006
hadi 277 mwaka 2012.

Mkurugenzi wa Idara ya Kinga Ocean
road, Julius Mwaiselage anaeleza kuwa
watanzania wasipende kuiga mambo
ambayo si sahihi bila kujua madhara
yake kama kufanya mapenzi kwa njia
ya mdomo. "Saratani ya mdomo ipo,
na nyingine zinasababishwa na zinaa "
anasema Dk Mwaiselage
Tafiti mbalimbali zimewahi kufanyika
nchini na kubaini kuwepo kwa
ongezeko la saratani ya mdomo.

Utafiti
uliofanywa na Dk Innocent Mosha wa
Kitengo cha Patholojia cha Hospitali ya
Taifa ya Muhimbili (MNH), umebaini
aina za saratani 1,594, kati ya hizo 509
zikiwa ni za midomo kwa mwaka 2003
pekee.

Matokeo hayo yanaonyesha kuwa kati
ya saratani 509 za mdomo, saratani
242 zilisababishwa na Virusi vya
Human Papiloma ambavyo hutokana
na zinaa.

"Ninachojua mimi ni kuwa Virusi vya
HPV husababishwa na magonjwa ya
zinaa, hivyo mtu anayeugua saratani ya
aina hiyo, imetokana na zinaa,"
anasema Dk Mosha.

Takwimu hizo ni zile zilizopatikana kwa
watu waliokwenda kufanyiwa
uchunguzi katika Mkoa wa Dar es
Salaam pekee.

Dk Mosha anasema kuwa wanaume
ndiyo huathiriwa zaidi na saratani ya
mdomo ambapo kwa hapa nchini,
asilimia 53 ya wanaume waliofika MNH
kwa ajili ya vipimo, walibainika kuugua
saratani hiyo, huku wanawake wakiwa
ni asilimia 47.

Utafiti kama huo ulifanywa pia na Dk
Amos Mwakigonja, mkuu wa Idara ya
Patholojia katika Chuo Kikuu cha Tiba
cha Muhimbili (MUHAS).

Dk Mwakigonja alifanya utafiti wa
saratani ya mdomo aina ya Kaposi's
Sarcoma ambapo wagonjwa 78
walibainika na saratani hiyo kuanzia
mwaka 1990 hadi 2003.
"Saratani za
mdomo zipo za aina nyingi na
zimetofautiana kulingana na
visababishi vyake," anasema Dk
Mwakigonja.

Katika utafiti wake Dk Mwakigonja
alibaini kuwa wanawake wengi
walikuwa na saratani ya mdomo aina
ya Kaposi's Sarcoma kuliko wanaume.

Hata hivyo, utafiti huo ulionyesha kuwa
asilimia 50 ya wanaume walikuwa na
saratani ya mdomo hatari zaidi
(systemic) kuliko wanawake ambao ni
asilimia 37.

Mapenzi kwa mdomo husababisha
maradhi
Dk Mwakigonja anasema kuwa
mapenzi yoyote kwa njia ya mdomo
lazima yasababishe maradhi ya zinaa
iwapo mmoja ameambukizwa.

Pia anasema kwamba sampuli nyingi
za wanaume wanaojihusisha na
mapenzi na wanaume wenzao
(mashoga) zilibainika na saratani ya
mdomo.

Utafiti huo ni sehemu ya utafiti wa
Shahada ya Uzamivu ambao
ulionyesha kuwa wagonjwa wengi wa
saratani ya mdomo walikuwa ni
wanaume wenye umri wa miaka kati ya
38 na kuendelea na wanawake ni 31.

Ufatiti wa WHO Tanzania

Shirika la Afya Duniani (WHO) pia
lilifanya utafiti mwaka 2010 nchini kwa
kushirikiana na Kituo cha Taarifa za
HPV, ambapo ilibainika kuwa asilimia
20 ya saratani za koo na mdomo nchini
zinasababishwa na ufanyaji wa
mapenzi kwa njia ya mdomo.

Taarifa hizo za WHO zinaeleza kuwa
wanaume 747 hugundulika na saratani
ya mdomo kila mwaka wakati
wanawake 472 hubainika na saratani
hiyo pia.

Wakati huohuo, wanaume
wanaopoteza maisha kutokana na
saratani hiyo ni 444, kwa mwaka na
wanawake ni 270, kwa mwaka.

Utafiti wa WHO umebaini kuwa saratani
ya mdomo inashika nafasi ya sita katika
aina 24 za saratani 24 zinazoisumbua
zaidi Tanzania.

Ripoti hiyo inaeleza kuwa wanaume
wanaoathirika zaidi ni wenye umri wa
kati ya miaka 15 na 55, ambao tayari
wameshaanza kujihusisha na ngono.

Kama maradhi mengine ya
kuambukiza, Virusi vya HPV
huambukizwa kwa urahisi zaidi kutoka
kwa wanawake kwenda kwa wanaume
kuliko kutoka kwa wanaume kwenda
kwa wanawake.

Utafiti huo uliodhaminiwa na mfuko wa
Bill na Melinda Gates na Kituo cha
Saratani na Mpango wa Utafiti wa
Taasisi ya ICO unaeleza kuwa mitandao
ya kijamii na picha za ngono ndiyo
chanzo cha watu wengi kuiga ufanyaji
wa mapenzi ya aina hiyo.

Kwa mujibu wa gazeti la The New York
Times, tafiti zimefanyika na kubaini
kuwa asilimia 70 ya wagonjwa
wanaobainika na saratani ya koo na
mdomo duniani, husababishwa na
Virusi vya Human Pappiloma
vinavyotokana na magonjwa ya zinaa.

Tafiti hizo zinaonyesha kuwa wagonjwa
wengi wanaogundulika na saratani
hiyo ni wanaume wenye umri wa kati,
wenye uwezo wa kifedha, wasiovuta
sigara wala siyo walevi waliokubuhu.

Utafiti huo ulibaini kuwa wanaume
wapo hatarini zaidi kupata saratani ya
koo inayosababishwa na Virusi vya
HPV.

Miaka ya 80, idadi ndogo ya watu
waliougua saratani ya koo
walihusishwa na maambukizi ya Virusi
vya HPV.

Kihistoria, watu waliobainika na
ugonjwa huo, ni wenye umri wa miaka
70 kwenda juu ambao walikuwa ni
wale walevi waliokubuhu na wavuta
sigara.

Ilielezwa kuwa Virusi vya HPV vipo kwa
wingi kiasi ambacho watu wazima
wanaojihusisha na ngono ya aina
yeyote ile, huweza kupata maambukizi
ya zinaa hata kama siyo saratani.

Hata hivyo ilibainishwa kuwa saratani
isababishwayo na virusi vya HPV ni
rahisi kuitibu kuliko saratani ya koo
isababishwayo na tumbaku au pombe
kali.

Virusi vya HPV ni nini?
Kwa jina la jumla, saratani ya koo au
mdomo huitwa saratani ya kichwa na
shingo. (Neck and Head Cancer)
HPV ni miongoni mwa virusi hatari zaidi
duniani visababishwavyo na magonjwa
ya zinaa na vinaweza kuathiri sehemu
mbalimbali za mwili.

Zipo aina zaidi ya 120 za HPV, baadhi
huweza kuzalisha usugu (warts)
ambazo si saratani katika sehemu za
siri, mikononi na miguuni.

Maambukizi ya HPV hufanyika kwa
urahisi, hata kwa kugusana ngozi au
majimaji, huku maambukizi mengine
yakisababishwa na ngono.

Virusi hatari na vinavyosababisha
saratani ni HPV-16, HPV-18, HPV-31 na
HPV 45.

Aina hii ya Virusi vya HPV husababisha
saratani ambapo uvimbe waweza
kujitokeza kwa ndani na unaweza
usionekane ukilinganisha na vivimbe
vingine vya saratani.

Wataalamu wanasema HPV-16 na
HPV-18 inahusishwa zaidi na saratani
ya shingo ya kizazi na endapo mapenzi
kwa njia ya mdomo yatafanywa na mtu
mwenye uambukizo huu ni rahisi
kuambukizwa.

Jela Miaka Mitatu Kwa Kumuuma Nyeti Mumewe

MAHAKAMA ya Wilaya ya Iramba
mkoani Singida umemhukumu
mwanamke mmoja mkazi wa kijiji
cha Kisana wilayani humo, Sayuni
Ramadhani (42) kwenda jela miaka
mitatu baada ya kukiri kosa la
kumng’ata mumewe sehemu
zake za siri.

Mwendesha mashitaka mkaguzi
wa polisi, Vincent Ndasa alidai
mbele ya hakimu mfawidhi wa
mahakama ya wilaya ya Iramba,
Kariho Mrisho kuwa Juni 4 mwaka
huu saa 12.00 jioni katika kijiji cha
Kisana, mshitakiwa kwa
makusudi alizing’ata kwa meno
sehemu za siri za mume wake,
Onesmo Nathania (42) na
kumsababishia maumivu.

Ndasa alidai kuwa siku ya tukio,
wanandoa hao waliporejea
nyumbani kutoka kwenye klabu
cha pombe ya kienyeji kijijini
hao, kulitokea kutokuelewana
na hivyo kuanza kugombana.

Alidai wakati wanaendelea
kupigana, Onesmo alizidiwa nguvu
na kuangushwa chini na mkewe
ambaye alifungua zipu ya suruali
na kufanikiwa kuzitoa sehemu za
siri za mumewe na kuzing'ata
nusura azitenganishe.

Mwendesha mashitaka aliendelea
kudai kuwa mlalamikaji Onesmo
alipiga yowe na majirani walifika
mara moja na kumkimbiza katika
zahanati ya kijiji kwa ajili ya
matibabu.

Mshitakiwa alipoulizwa iwapo ni
kweli alikiri kosa na akaiomba
mahakama imwonee huruma kwa
kumpa adhabu ndogo kwa kuwa
hilo lilikuwa ni kosa lake la
kwanza na kwamba anahitaji
kuwa na mumewe ili waendelee
kulea idadi kubwa ya watoto wao
kwa pamoja.

Naye mwendesha mashitaka,
Ndasa aliiomba mahakama kumpa
adhabu kali mshitakiwa ili kuwa
fundisho kwake na pia kuogofya
wanawake wanaotarajia
kuwafanyia unyama wa aina hii ya
kung’ata sehemu nyeti za waume
zao.

Akisoma hukumu hiyo, Hakimu
Mfawidhi Mrisho, alisema
mahakama yake imezingatia kwa
makini maombolezo ya
mshitakiwa na kufikia uamuzi wa
kutoa adhabu ya kutumikia jela
miaka mitatu.

Source:habari leo

Paul Kagame Aonesha Dharau Ushauri wa Kikwete

DHARAU za Rais wa Rwanda Paul
Kagame kwa Rais wa Jamhuri wa
Muungano wa Tanzania na Amiri
Jeshi Mkuu wa Majeshi ya Ulinzi
na Usalama Jakaya Mrisho Kikwete
zimewagawa Watanzania na
kuwafanya wawe na mitazamo
tofauti.

Wapo wanaomuunga mkono
Rais Kagame na wapo pia
wanaompinga kwa kauli yake...

Rais Kagame alimkejeli Rais
Kiwete kwa kuuita ushauri wake
ni ushauri wa kijinga kwa
wanyarandwa,awali Rais Kikwete
alizishauri nchi za Rwanda na
Congo DRC kukutana na kumaliza
tofauti zao kwa njia ya amani.

Rais Kikwete alitoa ushauri huo
wakati wa mkutano wa kujadili
amani na mpango wa ulinzi nchini
Congo DRC uliofanyika katika
Makao Makuu ya AU mjini Addis
Ababa Ethiopia.

Katika ushauri huo Rais Kikwete
alisema kwamba ni vyema Rais
Kagame akakaa katika meza ya
mazungumzo ya amani na Rais wa
Congo DRC Joseph Kabila ili
kumaliza tofauti zao badala ya
kutumia nguvu ya kijeshi.

"Nimekaa kimya kwa kipindi
kirefu na kwa jinsi nilivyoweza
kwa sababu nilifikiri kwamba
mazungumzo ya kipuuzi
yaliyozungumzwa na watu
wajinga yamemalizika "alisema
Rais Kagame.

Katika hatua nyingine Rais Kagame
alisema kwamba ushauri huo wa
Rais Kikwete ni sawa na
kuwachezea wanyarandwa mbele
ya mataifa.

Rais Kagame aliyasema hayo
katika sherehe ya kuhitimu
mafunzo ya maofisa wa jeshi
wapatao 45 katika kituo cha
mafunzo ya kijeshi siku ya Juma
Tatu nchini Rwanda.

NB:
RAIS WETU SIYO MJINGA...
HILO NI TUSI , JK ALIWAPA
USHAURI WA BURE...MLIKUWA
HURU KUUTUMIA AU KUUACHA

Katavi Warriors Kukipiga na Polisi Jamii

Mechi za kwanza za hatua ya tatu ya
Ligi ya Mabingwa wa Mikoa (RCL)
kuwania nafasi tatu za kupanda Ligi
Daraja la Kwanza (FDL) msimu ujao
zitachezwa Jumamosi (Juni 15
mwaka huu) wakati za marudiano
zitachezwa Jumatano ya Juni 19
mwaka huu.

Kamati ya Mashindano ya Shirikisho
la Mpira wa Miguu Tanzania (TFF)
imekutana leo (Juni 11 mwaka huu)
jijini Dar es Salaam kupitia ripoti za
michezo iliyopita na kufanya uamuzi
mbalimbali ikiwemo mechi ya
marudiano kati ya Mpwapwa Stars
na Machava FC ambayo
haikuchezwa.

Machava FC ambayo ilishinda mechi
ya kwanza iliyochezwa mjini Moshi
kwa mabao 2-0 inaendelea katika
hatua ya tatu kwa vile haikuhusika
katika kukwamisha mchezo wa
marudiano uliopangwa kuchezwa
Uwanja wa Jamhuri mjini Dodoma.

Chama cha Mpira wa Miguu Mkoa
wa Dodoma (DOREFA) kiliuhamishia
mchezo huo kwenye Uwanja wa
Mgambo mjini Mpwapwa kinyume
na maelekezo ya Kamati ya
Mashindano ya TFF.

Kamati katika
kikao chake cha awali iliekeleza kuwa
mechi zote za RCL zitachezwa makao
makuu ya mikoa isipokuwa kwa
Morogoro ambapo timu ya Techfort
FC iliruhusiwa kutumia Uwanja wa
CCM Mkamba mjini Ifakara.

Hivyo timu nane zilizofuzu kucheza
raundi hiyo ni Friends Rangers ya
Dar es Salaam, Kariakoo ya Lindi,
Katavi Warriors ya Katavi, Kimondo
SC ya Mbeya, Machava ya
Kilimanjaro, Njombe Mji ya Njombe,
Polisi Jamii ya Mara na Stand United
FC ya Shinyanga.

Wakati timu nyingine zimefuzu kwa
kushinda mechi zao za raundi ya
mbili, Njombe Mji imeingia hatua
hiyo kwa kuwa timu yenye uwiano
mdogo wa kufungwa (best looser)
katika hatua ya pili.

Katika hatua hiyo mechi ni ifuatavyo;
Kariakoo vs Friends Rangers,
Machava FC vs Stand United FC,
Polisi Jamii vs Katavi Warriors, na
Kimondo SC vs Njombe Mji. Timu
zilizoanza kutajwa ndizo zinazoanzia
nyumbani.

Vilevile Kamati ya Mashindano
imeagiza Kamishna wa mechi ya
marudiano kati ya Mpwapwa Stars
vs Machava FC, Mwijage Rugakingira
wa Tanga ambaye alikwenda Uwanja
wa Mgambo badala ya Uwanja wa
Jamhuri kinyume na maelekezo ya
TFF aondolewe kwenye orodha ya
makamishna.

Pia waamuzi wa mechi hiyo ambao
nao walikwenda Mpwapwa badala
ya Dodoma Mjini wamepelekwa
Kamati ya Waamuzi ya TFF kwa ajili
ya kuchukuliwa hatua kutokana na
tukio hilo.

Kamati ya Mashindano
imekumbusha kuwa RCL ni
mashindano yanayosimamiwa na
TFF, hivyo maelekezo yoyote
kuhusiana na mashindano hayo pia
yatatoka TFF na si mahali pengine
popote. Hivyo, msimamizi wa kituoa
hana mamlaka ya kubadili uwanja.

Hatua ya nne ya RCL itachezwa kati
ya Juni 23 na 23 mwaka huu wakati
mechi za marudiano zitachezwa kati
ya Juni 29 na 30 mwaka huu.

Aliyetoa Siri za CIA Ajificha

Mwanamume aliyefichua habari za
ujasusi za Marekani, akiwa Hong
Kong, sasa ametoweka hotelini
mwake.

Edward Snowden aliambia
waandishi wa habari kuwa ameishiwa
na pesa na alisema ana hakika kuwa
maafisa wa usalama wa Marekani
watamtafuta kokote aliko.

Mfanyakazi huyo wa zamani wa CIA,
mwenye umri wa miaka 29, aliyekuwa
akifanya kazi na CIA alisema kuwa
maafisa wa kijasusi wa Marekani
walitumia mitambo maalumu
kupekua simu, barua pepe na aina
nyingine za mawasiliano kote duniani.

Alisema kuwa alifichua njma hiyo kwa
sababu aliamini ilikuwa kinyume cha
demokrasia.

Ikulu ya White House haijasema iwapo
itatoa amri ya Edward Snowden
kurudishwa nchini ili kushtakiwa kwa
kosa hilo.

Msemaji wa Ikulu, Jay
Carney, alikataa kufafanua ila akaeleza
tu kuwa uchunguzi unaendelea na
akakariri kuwa kitendo cha Snowden
kimehatarisha usalama wa Marekani.

Ingawa kuna wale ambao wamtaja
Snowden kama msaliti kwa taifa, kuna
wale waliomshangilia kama shujaa wa
kitaifa.

Maelfu ya watu wametia sahihi
katika mtandao wa Ikulu ya White
House wakitaka asamehewe kwa
makosa yo yote ambayo huenda
ameyafanya kisheria.

Huku mjadala ukiendelea iwapo
Snowden alifanya kosa au la ni
dhahiri sasa kuwa idara ya ujasusi ya
Marekani itatafuta njia nyingine ya
kukusanya habari zake za kijasusi.

Itabidi wajue iwapo kuna watu wengi
kuliko inavyodhaniwa wanaofahamu
siri za Serikali, ambao wanaweza
kuzifichua kwa umma wakati wo wote.

Misri Watoa Onyo kwa Ethiopia

Rais wa Misri Mohammed Morsi
amesema kuwa taifa lake litatumia kila
mbinu kuhakikisha kuwa Ethiopia
inasitisha ujenzi wa bwawa la maji
katika mto Nile.

Idadi kubwa ya raia wa Misri millioni
84 imekuwa ikitegemea mto huo kwa
maji safi.

Akishangiliwa na wafuasi wake ,Morsi
amesema kuwa ijapokuwa Misri
haitaki vita haitokubali usalama wake
wa maji kuingiliwa kivyovyote.

Tayari kiongozi huyo anapanga
kumtuma waziri wake wa maswala ya
kigeni nchini Ethiopia ili kuanzisha
mazungumzo kuhusiana na swala
hilo.

Misri ina wasiwasi kuwa maji ya mto
Nile huenda yakapungua kwa kiwango
kikubwa iwapo bwawa hilo litajengwa.

Inasema kuwa, kwa mujibu wa sheria
zilizowekwa na mkoloni, ndio taifa
linalopaswa kufaidika pakubwa na
maji hayo swala linalopingwa na
Ethiopia ambayo inasema sheria hiyo
imepitwa na wakati.

Mbunge Mtwara Adakwa na Polisi kwa Uchochezi.

Jeshi la Polisi mkoani Mtwara limemkamata
mbunge wa Mtwara Mjini (CCM), Hasnain Murji
likimtuhumu kuchochea vurugu za kupinga
mradi wa bomba la gesi kutoka mkoani humo
kwenda jijini Dar es Salaam.

Habari zilizopatikana na kuthibitishwa na
Msemaji wa Jeshi la polisi nchini, Advera Senso
zinaeleza kuwa Murji alikamatwa jana jioni
nyumbani kwake maeneo ya Shangani mjini
Mtwara.

Kukamatwa kwa mbunge huyo kunakuja ikiwa
zimepita siku tano tangu viongozi wanne wa
vyama vya upinzani mkoani Mtwara,
kufikishwa Mahakama ya Hakimu Mkazi
Mtwara, Juni 4, mwaka huu wakikabiliwa na
mashtaka matatu ikiwamo kula njama, kufanya
uchochezi na kuamsha hisia mbaya kwa wakazi
wa Jamhuri ya Muungano wa Tanzania.

Washtakiwa hao ni Katani Ahmed Katani (33)
na Saidi Kulaga (45) wa CUF, Hassan Uledi (35)
wa NCCR Mageuzi na Hamza Licheta (51) wa
TLP, wote wakazi wa Mtwara.

Taarifa zaidi zilieleza kuwa baada ya polisi
kumkamata mbunge huyo, walifanya upekuzi
katika nyumba yake kwa saa kadhaa na baada
ya kujiridhisha walikwenda kupekua na ofisi
yake.

"Amekamatwa kwenye saa 11:00 jioni, hata
hati ya kukamatwa kwake imeeleza kuwa
anatuhumiwa kuchochea vurugu za
kupinga gesi inayopatikana mkoani Mtwara
kwenda Dar es Salaam," alisema Katibu wa
Mbunge huyo, Meckland Millanzi.

Katika ufafanuzi wake Senso alisema
kukamatwa kwa mbunge huyo ni jambo la
kawaida na kwamba hivi sasa unaandaliwa
utaratibu ili faili lake lipelekwe kwa
Mwanasheria wa Serikali.

"Acheni polisi ifanye kazi yake kama
kutakuwa na la ziada tutawaeleza ila kwa
sasa tunaandaa utaratibu wa suala hili
kwenda kwa mwanasheria wa Serikali,"
alisema Senso.

Murji amekamatwa ikiwa zimepita siku 16
tangu kutokea vurugu kubwa mkoani Mtwara
zilizodumu kwa siku mbili, ambapo polisi
walipambana na makundi ya vijana
wanaopinga mradi wa bomba la gesi kujengwa.

Vurugu hizo zilizosababisha baadhi ya watu
kupoteza maisha huku wengine wakiachwa
majeruhi na mali nyingi kuharibiwa, ziliibuka
baada ya hotuba ya bajeti ya wizara ya nishati
na madini kusomwa bungeni.

Mvutano kuhusu mradi wa bomba la gesi
ulianza Novemba 16, mwaka jana baada ya
Serikali kutuma kamati inayoratibu maoni ya
sera ya gesi "The Natural Gas Policy of Tanzania
-2013" ambayo ilifika mkoani Mtwara
kukusanya maoni ya wananchi.

Katika mikutano yake mjini Mtwara, wananchi
wengi hawakukubaliana na wazo la
kusafirishwa gesi nje ya Mtwara kwa njia ya
bomba.

Hali hiyo ndiyo iliyowasukuma
viongozi wa vyama kuhamasisha wananchi
kuhusu suala hilo.

Mtikila: Nitakwenda kwenye mahakama za Kimataifa

Mchungaji Dr. Christopher Mtikila amesema atakwenda kwenyd mahaka za kimataifa kupinga rasimu ya katiba mpya kwa kutoitambua Tanganyika.

Ikiwa zimepita siku chache tu tangu kuzinduliwa kwa rasimu ya katiba mpya Mtikila amesema atakwenda hata kwenye mahakama za kimataifa kupinga Rasimu hiyo kwa kutoitambua Tanganyika ambapo katika rasimu hiyo kumependekezwa serikali tatu Zanzibar, Serikali ya shirikisho na Tanzania Bara.

Dr. Mtikila anapinga uwepo wa Tanzania bara Badala ya Tanganyika.

Uingereza Kuwafidia Mau Mau

Serikali ya Uingereza inatarajiwa
kuomba msamaha pamoja na
kuwalipa fidia manusura wa harakati
za ukombozi wa Uhuru wa Kenya
Mau Mau.

Waliokuwa wanachama wa vuguvugu
hilo waliwasilisha kesi mahakamani
kwa mateso na dhuluma walizodai
kutendewa na uliokuwa utawala wa
ukoloni miaka ya 50.

Waziri wa mambo ya nje wa
Uingereza William Hague, anatarajiwa
kutangaza kiwango cha pesa ambazo
serikali ya Uingereza iko tayari kutoa
kama fidia, duru zikisema kuwa
huenda ikawa dola milioni 20
Zaidi ya wakenya 5,000, waliteswa
baadhi wakinyanyaswa na waliokuwa
wakoloni wa Uingereza.

Uingereza ilipigana vita vikali dhidi ya
Mau Mau, waliokuwa wanadai ardhi
na kuondoka kwa utawala wa kikoloni.
Manusura wa vita hivyo wamekuwa
wakiidai Uingereza kuwalipa fidia kwa
miaka mingi.

BBC ina habari kuwa bwana Hague
atawaomba radhi waathiriwa wa vita
vya Mau Mau, wakati akitangaza
kiwango cha pesa watakazotoa kama
fidia kwao.

Serikali ya Uingereza awali ilikuwa
imesema kuwa madai yote ya vitedno
walivyofanya wakoloni ni juu ya
serikali ya Kenya tangu kuipa uhuru
mwaka 1963 na kuwa kwa sasa
haiwezi kutakiwa kulipa.

Lakini mwaka 2011, mahakama
iliamuru kuwa, wanaodai fidia, Paulo
Muoka Nzili, Wambuga Wa Nyingi na
Jane Muthoni Mara, walikuwa na haki
ya kudai fidia kutoka kwa Uingereza .

Mawakili wao wanasema kuwa Nzili
alihasiwa , huku Bwana Nyingi
akichapwa vibaya wakati Bi Mara
akiteswa kimapenzi katika kambi za
mateso ambako waliokuwa
wanapinga ukoloni walikuwa
wakifungwa.

Baada ya uamuzi wa kesi hiyo,
ilirejeshwa katika mahakama kuu ili
kuamua pesa watakazolipwa na ofisi
ya jumuiya ya madola.

Duru zinasema kuwa serikali
ilikumbwa na wakati mgumu kupata
mashahidi na stakabadhi muhimu
kuweza kuelezea ukweli katika kesi
hiyo.

Lakini Oktoba mwaka jana, mahakama
iliamua kuwa waathiriwa
waliowasilisha kesi hiyo mahakamani
walikuwa na haki ya kufidiwa kwani
walikuwa na kesi nzito dhidi ya serikali
ya Uingereza.

Watatu hao walikuwa wamesema
kuwa wangekubali wahusika wa kesi
kuafikiana nje ya mahakama lakini pia
walikuwa wanataka kufuata sheria
kwani waliona wangepata haki katika
mahakama.

Kutoka:BBC

Mtoto Wa Michael Jackson Ajaribu Kujiua

Bintiye marehemu Michael Jackson,
Paris, mwenye unmri wa miaka 15,
amelazwa katika hospitali moja mjini
Carlifornia baada ya kujaribu kujiua.

Msemaji wa familia ameeleza kuwa
anaendelea kupata nafuu na kuwa
madaktari wanamshughulikia vilivyo.

Inasemekana, Paris Jackson, ambaye
babake alifariki mwaka 2009,
amekuwa katika hali ya kusononeka
kwa muda sasa.

Msemaji wa familia hiyo amesema
kuwa usiku wa kuamkia leo binti huyo
alikimbizwa hospitalini baada ya
kujaribu kujiua lakini anaendelea
kupata nafuu.

Msemaji alifafanua kuwa hali yake si
mbaya sana ya kupelekwa kwa wadi
ya wagonjwa mahututi.

Paris Jackson ametajwa kama mmoja
wa familia ya Michael Jackson
anayetaka kulipwa mamilioni ya Dolar
kutoka kampuni ya AEG ambayo
ilimwajiri daktari aliyempa madawa
Michael ambayo yaligunduliwa
baadaye kuwa yalimwua.
Kesi inayohusiana na madai hayo
imeendelea kwa majuma sita sasa.

Mengi ya kusikitisha juu ya Michael
Jackson yamekuwa yakitajwa na
inadhaniwa kwamba yamechangia
pakubwa kupandisha huzuni na
simanzi kwa msichana Paris.

Inadhaniwa kuwa Paris amejaribu
kadiri ya uwezo wake kumwomboleza
baba yake lakini angali anasononeka
kutokuwepo kwake.

Mlezi wake
kisheria ni nyanya yake Catherine
lakini hata hivyo siku chache zilizopita
amekuwa akiishi na mamake mzazi.

Kesi ya Ruto Kuhamishiwa Tanzania au Kenya

Kesi inayomkabili
makamu wa Rais wa Kenya, William
Ruto kwenye Mahakama ya
Kimataifa ya Uhalifu (ICC) huenda
ikahamishiwa nchini Tanzani au
Kenya.

Hiyo inatokana na uamuzi
unaotajwa kufikiwa na majaji wa ICC
ambao wametoa mapendekezo
wakimtaka Rais wa ICC aangalie
umuhimu na kutoa ruhusa ya kesi
hiyo kusikiliziwa nchini Kenya au
kama ikishindikana basi isikiliziwe
nchini Tanzania.

Uamuzi huo unaweza pia
kusababisha athari za kuichochea
mahakama hiyo kuhamisha pia kesi
ya aina hiyo inayomhusu Rais
Uhuru Kenyatta ambaye pia
mawakili wake wameomba kesi
dhidi yake ihamishiwe nchini Kenya
au Tanzania.

Ruto pamoja na mtuhumiwa
mwenzake, aliyekuwa mtangazaji wa
Redio, Joshua Arap Sang
wanakabiliwa na mashtaka kadhaa
ya uhalifu dhidi ya ubinadamu
wakidaiwa kuhusika kuchochea
vurugu za baada ya uchaguzi mkuu
wa mwaka 2007 zilizosababisha vifo
vya zaidi ya watu 1,000.

Mapendekezo hayo yametokana na
ombi hilo lililotumwa Januari 24
mwaka huu ambalo lilikuwa bado
likiendelea kujadiliwa n amamlaka
zinazohusika kwenye mahakama
hiyo.

Februari mwaka huu, Mwendesha
mashtaka mkuu wa ICC, Fatou
Bensouda aliieleza mahakama hiyo
kwamba hana pingamizi iwapo
itakubalika kesi hiyo isikiliziwe
Tanzania au Kenya.

Hata hivyo mahakama hiyo ilieleza
kuwa mapendekezo hayo bado
yanaendelea kujadiliwa kwa mujibu
wa taratibu zilizowekwa na
mahakama hiyo.

Hata hivyo, jana ICC ilitoa taarifa
ikisema kesi dhidi ya Ruto
anayetuhumiwa kufanya makosa ya
uhalifu dhidi ya binadamu itaanza
Septemba 10 mwaka huu.

Taarifa hiyo imesema majaji
wameamua kupanga tarehe ya
kusikilizwa kesi hiyo mapema zaidi
kuliko ilivyopangwa awali.

Rais Kenyatta na naibu wake
wanahitajika kupandishwa kizimbani
ili kujibu mashtaka yanayowakabili
ya uhalifu dhidi ya ubinadamu,
makosa ambayo waliyafanya wakati
wa vurugu zilizotokea baada ya
uchaguzi mkuu wa Rais wa mwaka
2007/08.

Tanzania Yasaini Mkataba wa Kudhibiti Biashara ya Silaha

Jamhuri ya Muungano wa Tanzania
imekuwa miongozi mwa nchi za
kwanza kutia sahihi Mkataba wa
Kimataifa wa Kudhibiti Biashara ya
Silaha Duniani ( ATT)
Utiaji sahihi wa tukio hilo la kihistoria
umeziduliwa jana jumatatu ( Juni 3)
hapa Makao Makuu ya Umoja wa
Mataifa. Ukishuhudiwa na viongozi
mbalimbali akiwamo Katibu Mkuu wa
Umoja wa Mataifa, Ban Ki Moon.

Katika tukio hilo Jamhuri ya Muungano
wa Tanzania iliwakilishwa na Balozi
Ramadhan M. Mwinyi, Naibu
Muwakilishi wa Kudumu wa Tanzania
katika Umoja wa Mataifa.

Utiaji sahihi wa mkataba huo
unafanyika ikiwa ni takribani miezi
miwili kupita tangu Baraza Kuu la
Umoja wa Mataifa lilipoupitisha kwa
kuupigia kura 154 za ndiyo na hivyo
kuhitimisha majadiliano ya uundwaji
wa mkataba yaliyodumu kwa takribani
miaka sita.

Kutiwa sahihi kwa Mkataba huo sasa
kunafungua fursa ya kuanza kufanya
kazi rasmi baada ya siku 90, kwa
sababu zilikuwa zikihitajika sahihi 50 ili
upate baraka ya kuanza rasmi. Lakini
idadi hiyo imepitiliza katika siku ya
kwanza ya utiaji wa sahihi na kufikia
nchi 67.

Dhumuni kuu la mkataba pamoja na
mambo mengine ni kusimamia na
kuratibu biashara ya silaha za aina
mbalimbali zikiwamo, mizinga ya kivita,
magari ya deraya, ndege za kivita,
helkopta za mashambulizi, meli za
kivita, makombora pamoja na silaha
ndogo ndogo na nyepesi.

Aidha Mkataba pamoja masuala
mengineyo hautaingilia uhuru wa nchi
kununua silaha kwa matumizi yake ya
ndani na haki ya kujilinda na kulinda
mipaka yake, vilevile mkataba hauzui
nchi kufanya biashara ya kusafiri aina
yoyote ya silaha ilimradi inazingatia
sheria na taratibu zilizomo ndani ya
mkataba ikiwa ni pamoja na taratibu
ambazo nchi yenyewe imejiwekea.

Matumaini ya Jumuiya ya Kimataifa ni
kwamba utekelezaji wa mkataba na
kama utaekelezea ipasavyo utasaidia
sana kudhibiti silaha zisiangukie
mikononi mwa makundi mbalimbali ya
kihalifu yakiwamo ya kigaidi.

Akizungumza mara baada ya kutia
sahihi, Balozi Ramadhan Mwinyi
aliungana na wasemaji wengine katika
kukaribisha hatua hiyo muhimu. Huku
akieleza kwamba kwa Tanzania kutia
sahihi ni uthibitisho wa utayari wake
wa kuutekeleza kwa kuzingatia
masharti na matakwa yanayoendeana
na mkataba huo.

Akasema Tanzania imekuwa miongoni
mwa nchi za mwanzo kutia sahihi
mkataba huo kwa kuwa ilikuwa moja
kati ya nchi zilizodhamini Azimio la
Kuanzishwa kwa Mkataba na pia
ilishiriki kikamilifu katika majadiliano
yote yaliyozaa mkataba huo.

Balozi Mwinyi akaeleza pia kuwa
kufanya kazi kwa Mkataba huo
kutachangia katika amani ya Kimataifa,
amani na usalama wa Kikanda na pia
utachangia sana katika kupunguza
madhara yatokanayo na biashara
haramu na holela ya silaha lakini pia
utasaidia katika kukuza na kuimarisha
uhusiano mzuri miongoni mwa nchi
wanachama.

Katika hatua nyingine Muwakilishi huyo
wa Tanzania amesisitiza haja na
umuhimu wa uwepo wa fursa sawa
kati ya wasafirishaji wa silaha na
waagizaji wa silaha na kwamba
Mkataba huo usidhibiti au kuzuia
biashara ya silaha ambayo ni halali na
kwamba mkataba haupashwi kuingilia
au kwa namna yoyote ile au kuadhiri
uhuru na haki ya nchi kujilinda na
kulinda watu wake.

Tanzania pia imekaribisha misaada ya
kiufundi katika maandalizi ya utekelezaji
wa mkataba huo hasa kwa nchi
zinazoendelea.

Nchi hizo 67 ambazo zimetia sahihi ni ,
Albania, Antigua and Barbuda,
Argentina, Australia, Austria, Bahamas,
Belgium, Belize, Benin, Brazil, Burkina
Faso, Burundi, Chile, Costa Rica, Cote
D' Ivoire, Croatia, Cyprus, Czech
Republic , Denmark, Djibout, na
Dominica Republic.
Nyingine ni Estonia, Finland, France,
Germany, Greece, Grenada, Guyana,
Hungary, Iceland, Italy, Jamaica, Japan,
Latvia, Liechtenstein, Lithuania,
Luxembourg, Mali, Malta, Mauritania,
Mexico na Montenegro.
Mataifa mengine ni Mozambique,
Netherlands, New Zealand, Norway,
Palau, Panama, Portugal, Republic of
Korea, Romania, Saint Lucia, Saint
Vincent and the Grenadines, Senegal,
Seychelles, Slovenia, Spain, Suriname,
Sweden, Switzerland, Togo, Trinidad
and Tobago, Tuvalu, United Kingdom
of Great Britain and Northern Ireland,
United Republic of Tanzania na
Uruguay.

Rasimu ya Katiba Mpya

1. UTANGULIZI

Ndugu Wananchi,
Awali ya yote namshukuru
mwenyezi mungu kwa
kutuwezesha kufikia hatua hii ya
leo ya kuzindua Rasimu ya
Katiba. pia, niwashukuru ninyi
nyote mliohudhuria halfa hii
ikiwa ni mwendelezo wa
mchakato muhimu wa
Mabadiliko ya Katiba ya nchi
yetu.

Sheria ya Mabadiliko ya Katiba
ilipitishwa Bungeni Novemba,
2011 na kufanyiwa mabadiliko
Februari, 2012. Tume ya
Mabadiliko ya Katiba iliundwa
kwa mujibu wa Kifungu 6(1) cha
sheria hiyo (Cap.83). Wajumbe 34
wa Tume waliteuliwa na
kuapishwa na Rais wa Jamhuri ya
Muungano, Mheshimiwa Jakaya
Mrisho Kikwete, mwezi Aprili,
2012. Kwa mujibu wa Sheria ya
Mabadiliko ya Katiba, Tume
imepewa miezi kumi na minane
kukamilisha kazi yake kuanzia
siku ilipoanza kazi rasmi ambayo
ilikuwa Mei 2, 2012.

Tume iliandaa ratiba ya
utekelezaji wa majukumu yake.

Kufuatana na ratiba hiyo Tume
ilijipanga kukusanya maoni ya
wananchi katika kipindi cha miezi
mitano kuanzia Mwezi Julai hadi
Disemba, 2012. Kazi hiyo
ilifanywa kama tulivyopanga.

Tume ilijigawa katika makundi na
ilitembelea mkoa yote
thelathini.
Tume ilifanya mikutano 1,942
ambayo ilihudhuriwa na
wananchi wapatao 1,365,337
ambao kati ya hao wananchi
333,537 walitoa maoni ama kwa
mazungumzo ya ana kwa ana au
kwa maandishi. Tume pia ilipata
maoni ya wananchi wengi, wa
ndani na nje ya nchi kwa njia
mbali mbali kama vile; Mikutano
ya hadhara, Fomu maalum za
Tume, barua kupitia Masanduku
ya Barua ya Tume, Mitandao ya
Kijamii ya barua pepe; facebook
ya Tume, Tovuti ya Tume; Makala
mbalimbali kutoka kwenye
magazeti na ujumbe mfupi wa
simu.

Tume ilitumia mwezi Januari,
2013 kukusanya maoni ya
makundi mbali mbali katika
jamii, ikiwa ni pamoja na vyama
vya siasa, taasisi za Serikali,
taasisi za dini, wakulima,
wafugaji, wafanyakazi, asasi za
kiraia na kadhalika. Makundi
zaidi ya 160 yalikutana na Tume
na kutoa maoni. Tume pia ilipata
maoni ya viongozi wa juu wa
Serikali walioko madarakani na
waliostaafu. Kwa jumla viongozi
43walitoa maoni.

Tume ilipanga kutumia miezi
mitatu ya Februari, Machi na
Aprili kuchambua maoni ya
wananchi na kuandaa Rasimu ya
Katiba. Lakini tuligundua
kwamba maoni tuliyopata
yalikuwa mengi sana, na pamoja
na matumizi ya teknolojia ya
kisasa, tulitambua umuhimu wa
kuongeza muda hadi mwisho wa
mwezi Mei, Maoni ya wananchi
yaligusa mambo yote yanayohusu
Katiba na mengi ya maoni hayo
yalikinzana. Aidha, baadhi ya
maoni yaligusia masuala ya
Kisera, Kisheria na Kiutendaji.

Tulifanya uchambuzi makini na
wa ndani wa maoni hayo na kazi
hiyo tumeikamilisha na rasimu
imeandaliwa na Tume na leo
tupo hapa kwa ajili ya kuizindua,
ambapo Wananchi watapata
nafasi ya kuisoma. Kwa leo, kwa
niaba ya Tume, napenda kutaja
maeneo machache tu ambayo
tunayapendekeza.

IBARA ZINAZOPENDEKEZWA
KWENYE RASIMU YA KATIBA

Ndugu Wananchi,
Katiba yetu ya sasa ina ibara 152.

Tume ilifanya jitihada kubwa
sana kuandaa rasimu ambayo
siyo ndefu. Lakini katika hali
halisi haikuwezekana. Rasimu ya
Katiba tunayopendekeza ina
ibara 240.

MISINGI MIKUU YA TAIFA

Utangulizi wa Katiba ya sasa ndio
unaobeba misingi mikuu ya Taifa
ambayo ni Uhuru, Haki, Udugu na
Amani. Tume inaamini kwamba
misingi hii ni mizito na inastahili
kubaki kwenye Katiba mpya.
Hata hivyo, Tume imeona ni
busara kuongeza misingi mingine
mitatu ya Usawa, Umoja na
Mshikamano. Hivyo, Tume
imependekeza Katiba iwe na
Misingi Mikuu saba ya
Taifa;yaani; Uhuru, Haki, Udugu,
Usawa, Umoja, Amani na
Mshikamano.

TUNU ZA TAIFA

Katiba yetu ya sasa haina sehemu
inayoelezea tunu za Taifa
(National Values). Wananchi
wengi walitoa maoni kwamba
Katiba itaje Tunu za Taifa.

Tume
imependekeza Tunu zifuatazo
zitajwe ndani ya Katiba.

Tunu
hizo ni;- Utu, Uzalendo, Uadilifu,
Umoja, Uwazi, Uwajibikaji na
Lugha yetu ya taifa ya Kiswahili.

MALENGO YA TAIFA

Tume ilipozunguka nchi nzima
wananchi walizungumzia sana
kuhusu malengo ya taifa.
Walitaka Katiba ionyeshe dira ya
taifa. Wananchi wanayo ndoto
yao ya Tanzania ya kesho na
kesho kutwa. Kwa kuzingatia
maoni ya wananchi, kuna sura
nzima inayohusu Malengo
mahsusi na ya msingi ya
mwelekeo wa shughuli za
Kiserikali na Sera za Kitaifa.

Rasimu ya Katiba inaeleza kuwa
Malengo ya Kitaifa yaliyoainishwa
ndani ya Rasimu yatakuwa ni
Mwongozo kwa Serikali, Bunge,
Mahakama, Vyama vya Siasa,
Taasisi na Mamlaka nyingine, na
kwa kila mwananchi katika
matumizi au kutafsiri Masharti ya
Katiba au Sheria nyingine za
Nchi.

Kwa msingi huo, Tume
imependekeza malengo makuu
ya taifa yapanuliwe kwa
mpangilio wa kuonesha malengo
ya kisiasa, kiuchumi, kijamii,
kiutamaduni, kimazingira na sera
ya mambo ya nje. Malengo hayo
yameingizwa kwenye Rasimu ya
Katiba.

VYOMBO VYA KIKATIBA

Wananchi walizungumzia suala la
kubainishwa kwa vyombo vya
Kikatiba na kuingizwa kwenye
Katiba ili viwe na nguvu ya
Kikatiba katika utekelezaji wa
majukumu yao. Tume
imependekeza baadhi ya vyombo
vifuatavyo viwe vya Kikatiba;

Tume ya Uhusiano na Uratibu wa
Serikali, Baraza la Mawaziri,
Kamati Maalum ya Makatibu
Wakuu na Sekretarieti ya Baraza
la Mawaziri; Baraza la Ulinzi na
Usalama la Taifa, Tume Huru ya
Uchaguzi, Tume ya Utumishi wa
Mahakama, Tume ya Utumishi wa
Umma, Tume ya Maadili ya
Uongozi na Uwajibikaji, Tume ya
Haki za Binadamu na Utawala
Bora

MAADILI YA VIONGOZI NA
MIIKO YA UONGOZI

Wananchi wengi pia
walizungumzia kwa upana sana
kuhusu maadili na miiko ya
Viongozi, kwa kuzingatia maoni
ya wananchi Tume inapendekeza
maadili ya viongozi wa umma,
pamoja na miiko ya uongozi
yawekwe kwenye Katiba. Tume
pia imependekeza kuwa
Sekretariati ya Maadili
ibadilishwe kuwa Tume yenye
mamlaka makubwa ya kusimamia
maadili ya viongozi wanaovunja
miiko ya uongozi.

HAKI ZA BINADAMU

Kuhusu haki za binadamu
wananchi walitaka haki hizi
ziimarishwe na kusiwe na
vikwazo visivyo vya lazima.

Tume
imependekeza mabadiliko katika
baadhi ya haki za binadamu kwa
madhumuni ya kuziimarisha.

Moja ya mabadiliko hayo ni
kuhusu uhuru wa mwananchi
kushiriki shughuli za umma.

Tume inapendekeza kwamba
vikwazo vilivyowekwa kuzuia
mgombea huru viondolewe. Kwa
maana nyingine Tume
inapendekeza mgombea binafsi
aruhusiwe.

Tume pia, inapendekeza haki
mpya ziingizwe kwenye Katiba
ikiwa ni pamoja na haki ya
wafanyakazi, , haki ya mtoto,
haki za Watu wenye Ulemavu,
Haki za Wanawake, Haki za
Wazee, Haki za Makundi Madogo
katika Jamii, Haki ya Elimu na
Kujifunza, Haki ya kupata habari,
Haki na uhuru wa habari na
vyombo vya habari na kadhalika.

URAIA

Wananchi wengi walipendekeza
kuwa suala la Uraia libainishwe
wazi kwenye Katiba. Tume
imependekeza kwa kutaja Raia
wa Jamhuri ya Muungano na haki
zake.

MIKOPO NA DENI LA TAIFA

Ndugu Wananchi,
Wananchi walizungumzia suala la
uwepo wa Ukomo wa nchi
kukopa na uwepo wa utaratibu
wa kulipa Deni la Taifa ili
kuilinda Nchi isiwe na deni
kubwa. Kwa kuzingatia maoni ya
Wananchi, Tume imependekeza
kuwa, Serikali itawajibika kutoa
taarifa Bungeni kuhusu Mikopo
kwa kuainisha kiasi cha deni
lililopo, riba yake na matumizi ya
fedha za Mikopo na utaratibu wa
kulipa Madeni ya Taifa.

MFUMO WA UTAWALA

Kuhusu utawala, Tume
inapendekeza Tanzania iendelee
na mfumo wa Jamhuri kwa maana
ya nchi inayoongozwa na Rais
Mtendaji ambaye ni Mkuu wa
nchi, Kiongozi wa Serikali na
Amiri Jeshi Mkuu.

UCHAGUZI WA RAIS

Umri wa kugombea Urais
Tume ilipokea maoni
yanayokinzana kuhusu umri wa
mwananchi kugombea Urais.

Baadhi walipendekeza mtu
akishakuwa na sifa ya kupiga
kura awe pia na sifa ya
kugombea Urais. Umri wa mtu
kuruhusiwa kupiga kura ni miaka
18.

Wengine walipendekeza umri
uliopo kwenye Katiba wa mtu
kugombea Urais, yaani kuanzia
miaka 40 na kuendelea,
uendelee kubaki kama ulivyo.

Wengine walisema Umri wa mtu
kuruhusiwa kugombea Urais uwe
miaka 35 au miaka 50 na
kuendelea.

Tume imeyachambua maoni yote
hayo, ikafanya utafiti kwa kupitia
Katiba za Nchi zingine na uhalisia
wa watu wanaogombea na
kuchaguliwa kuwa Marais katika
Nchi mbalimbali Duniani ambazo
zingine zimeruhusu wagombea
wa nafasi ya Urais kuwa na umri
chini ya miaka 40.

Wengi walioomba kugombea
nafasi hiyo walikuwa na umri wa
miaka 40 au zaidi.

Kwa kuzingatia maoni ya
wananchi, utafiti na hali halisi,
Tume inapendekeza Rais
aendelea kuchaguliwa na
wananchi na pamoja na sifa
nyingine, mtu anayeomba urais
asiwe chini ya miaka 40.

Uchaguzi wa Rais itakuwa kama
ilivyo sasa, yaani mgombea Urais
atakuwa na mgombea mwenza
kwa utaratibu kama ilivyo sasa.

Isipokuwa, Tume imependekeza
Mgombea Urais anaweza
kupendekezwa na Chama cha
Siasa au kuwa Mgombea Huru.

Mgombea wa nafasi ya Rais
atatangazwa kuwa mshindi iwapo
atakuwa amepata kura zaidi ya
asilimia hamsini ya kura zote
zilizopigwa.

Hata hivyo, matokeo ya uchaguzi
wa Rais yanaweza kulalamikiwa
Mahakamani, lakini siyo kila mtu
anaweza kufungua kesi.

Wanaoweza kufungua kesi ni
wagombea Urais. Aidha, ni
Mahakama ya Juu pekee ndiyo
itakuwa na Mamlaka na uwezo
wa kusikiliza malalamiko kuhusu
matokeo ya uchaguzi wa Rais na
shauri lazima liamuliwe ndani ya
mwezi mmoja, yaani siku
therathini.
Rais aliyeshinda ataapishwa siku
thelathini tangu alipotangazwa
kuwa mshindi au kuthibitishwa
na Mahakama.

MADARAKA YA RAIS

Ndugu Wananchi,
Tume inapendekeza kwamba,
Rais abaki na madaraka ya uteuzi
wa viongozi wa ngazi za juu. Hata
hivyo inapendekezwa Rais
ashirikiane na taasisi na vyombo
vingine katika uteuzi. Kwa
mfano:
Uteuzi wa Mawaziri na Manaibu
Waziri, Rais atateua na Bunge
litathibitisha.

Kuhusu Jaji Mkuu na Naibu Jaji
Mkuu Rais atawateua kutokana
na majina ya watu
waliopendekezwa na Tume ya
Uutumishi wa Mahakama na
baada ya hapo Bunge
litathibitisha.

Kuhusu Wakuu wa vyombo vya
Ulinzi na Usalama
inapendekezwa kianzishwe
chombo kipya kitakachoitwa
Baraza la Ulinzi na Usalama la
Taifa, ambalo kati ya majukumu
yake itakuwa ni kumshauri Rais
kuhusu uteuzi wa Wakuu wa
vyombo vya ulinzi na usalama.

Kuhusu Makatibu Wakuu na
Naibu Makatibu Wakuu
watateuliwa na Rais kutokana na
mapendekezo ya Tume ya
Utumishi wa Umma.

KINGA YA RAIS

Tume baada ya kupitia maoni ya
Wananchi, inapendekeza Rais
abaki na kinga kama ilivyo sasa
na anaweza kushitakiwa na
Bunge kama ilivyo Katiba ya sasa.

IDADI YA MAWAZIRI

Inapendekezwa Rais aunde
Serikali ndogo iliyo na Mawaziri
wasiozidi kumi na tano na
mawaziri hao wasiwe wabunge.

Mawaziri hawatahudhuria vikao
vya Bunge isipokuwa kama
watahitajika kutoa ufafanuzi
kwenye kamati za Bunge.

BUNGE

Ndugu Wananchi,
Kuhusu Bunge kutakuwa na
wabunge wa aina mbili

Kutakuwa na Wabunge wa
kuchaguliwa na wabunge watano
wa kuteuliwa na Rais kuwakilisha
Watu wenye Ulemavu.

Kila Jimbo la Uchaguzi litakuwa na
Wabunge Wawili mmoja
mwanamke na mwingine
mwanamume.

Tume inapendekeza kwamba,
Mbunge akifukuzwa na Chama
cha Siasa abaki kuwa Mbunge
lakini akihama Chama atapoteza
Ubunge wake.

Inapendekezwa ukomo wa
Ubunge uwe vipindi vitatu vya
miaka mitano mitano. Hata hivyo,
wananchi wanaweza kumwondoa
mbunge wao kabla ya mwisho wa
kipindi chake.

Inapendekezwa pia kusiwepo na
uchaguzi mdogo isipokuwa kama
nafasi inayokuwa wazi inatokana
na Mbunge huru ndipo
utafanyika uchaguzi mdogo
kujaza nafasi hiyo, lakini kama
nafasi ikiwa wazi kutokana na
Mbunge wa Chama cha Siasa basi
nafasi hiyo, ijazwe na mtu kutoka
Chama hicho.

Inapendekezwa Spika na Naibu
Spika wasitokane na Wabunge na
wasiwe Viongozi wa vyama vya
Siasa.

TUME YA UCHAGUZI

Tume imefanya uchambuzi wa
maoni ya wananchi kuhusu Tume
ya Uchaguzi. Tume inapendekeza
jina la tume liwe Tume Huru ya
Uchaguzi.

Tume pia
inapendekeza sifa za wajumbe wa
Tume Huru ya Uchaguzi ziwekwe
kwenye Katiba. Wajumbe wa
Tume Huru ya Uchaguzi
watapatikana kutoka miongoni
mwa watu wenye sifa
zilizoainishwa ndani ya Katiba
kwa kuomba. Majina ya
waombaji yatachambuliwa na
Kamati ya Uteuzi ambayo
Mwenyekiti wake atakuwa Jaji
Mkuu na wajumbe wengine sita
ambao ni Majaji Wakuu wa nchi
Washirika, Spika wa Bunge la
Jamhuri ya Muungano, Maspika
wa Mabunge wa nchi Washirika
na Mwenyekiti wa Tume ya Haki
za Binadamu.

Kamati ya uteuzi itapendekeza
majina ya watu wanaofaa kwa
Rais ambaye atateua Mwenyekiti,
Makamu Mwenyekiti na
Wajumbe wengine. Bunge
litathibitisha uteuzi wao.

Wabunge na viongozi wa aina
hiyo hawatakuwa na sifa za kuwa
wajumbe wa tume ya uchaguzi.

Inapendekezwa Tume huru ya
Uchaguzi isimamie masuala ya
uchaguzi, kura ya maoni na
Usajili wa Vyama vya Siasa.

MAHAKAMA

Kuhusu Mahakama
inapendekezwa kuanzishwa kwa
Mahakama ya Juu (Supreme
Court) Majaji wa Mahakama ya
Juu na Mahakama ya Rufani
watateuliwa na Rais baada ya
kupendekezwa na Tume ya
Utumishi wa Mahakama.

MUUNDO WA MUUNGANO

Ndugu Wananchi,
Suala la muundo wa Muungano
ndilo lililokuwa gumu kuliko
masuala yote. Tume ilitumia
muda mwingi kuchambua maoni
ya wananchi.

Pamoja na kwamba
hadidu za rejea zilielekeza Tume
kuzingatia uwepo wa Muungano,
baadhi ya wananchi walitoa
maoni kwamba Muungano
uvunjwe na Tume iliyapokea
maoni hayo. Licha ya kwamba
waliotaka kuvunjwa muungano
walikuwa wachache sana, Tume
ilichambua sababu walizotoa na
kuridhika kwamba hazikuwa na
uzito.

Wananchi walio wengi walitaka
Muungano uendelee. Kati yao
wapo waliopendekeza Muungano
wa Serikali moja, Serikali mbili,
Serikali tatu, Serikali nne na
muungano wa mkataba.

Sababu
za wale waliopendekeza Serikali
nne hazikuwa na uzito, kwa hiyo
Tume ikaamua kutopendekeza
muundo huo.

Wananchi waliopendekeza
Serikali moja walikuwa wachache
lakini sababu zao zilkuwa na
uzito. Hata hivyo, Tume kwa
kuzingatia hali halisi iliona ni
changamoto kubwa kuwa na
Muungano wa Serikali Moja.

Wananchi waliopendekeza
Muungano wa Mkataba walikuwa
wengi (hasa wananchi wa
Zanzibar) na sababu zao zilikuwa
na uzito. Lakini uchambuzi wa
Tume ilionekana wazi kwamba ili
kupata mkataba lazima kwanza
kuwe na nchi mbili huru kabisa
lakini hakukuwa na mazingira ya
uhakika ya kupata mkataba wa
muungano. Tume iliona kuna
changamoto ya muungano
kuvunjika ingawa waliotoa maoni
walisisitiza muungano ubaki.

Hivyo, Tume iliamua
kutopendekeza muundo huo.

Wananchi waliopendekeza
Tanzania iendelee na Muundo wa
sasa wa Serikali mbili walikuwa
wengi na sababu zao zilikuwa
nzito. Hata hivyo, wananchi
katika kundi hili walipendekeza
mabadiliko mengi na makubwa.

Tathmini ya Tume ilionyesha
kwamba isingewezekana kufanya
mabadiliko yote
yaliyopendekezwa.

Wananchi waliopendekeza
muundo wa Serikali tatu
walikuwa wengi kuliko makundi
yote. Sababu zao zilikuwa nzito
lakini pia kulikuwa na
changamoto nyingi na nzito.

Pamoja na maoni ya wananchi
Tume ilirejea sababu za
kupendekeza muundo huu
zilizotolewa na Tume zilizopita na
Tafiti zilizofanywa na Tume
kuhusu aina mbalimbali za
Muungano. Baada ya yote hayo
Tume ilifikia uamuzi wa
kupendekeza mfumo wa Serikali
tatu. Yaani Serikali ya Shirikisho,
Serikali ya Tanzania Bara na
Serikali ya Mapinduzi Zanzibar.

ORODHA YA MAMBO YA
MUUNGANO

Ndugu Wananchi,
Tume imependekeza katika
Rasimu ya Katiba kuwa orodha ya
Mambo ya Muungano yawe 7
badala ya 22 yaliyopo sasa.

Mambo ya muungano
yanayopendekwa ni:

1. Katiba na Mamlaka ya Jamhuri
ya Muungano wa Tanzania
2. Ulinzi na Usalama wa Jamhuri
ya Muungano wa Tanzania
3. Uraia na Uhamiaji
4. Sarafu na Benki Kuu
5. Mambo ya Nje
6. Usajili wa Vyama vya Siasa
7. Ushuru wa bidhaa na mapato
yasiyo ya Kodi yatokanayo na
Mambo ya Muungano.

BENKI KUU

Kwa kuwa Tume imependekeza
Muungano wa Shirikisho
kutokana na uzito wa maoni ya
wananchi. Hivyokutakuwa na
Benki Kuu ya Jamhuri ya
Muungano wa Tanzania
itakayokuwa na wajibu wa
kusimamia masuala ya Sarafu na
Fedha za Kigeni na Benki za
Washirika wa Muungano.

BENKI ZA SERIKALI ZA
WASHIRIKA

Kutokana na pendekezo la
kuwepo kwa Serikali ya
Shirikisho la Nchi tatu,
inapendekezwa kuwepo kwa
Benki zitakazokuwa na jukumu la
kutunza akaunti ya fedha za
Serikali za kila Mshirika wa
Muungano na kuzisimamia benki
za biashara katika mamlaka zao.

BAADHI YA MAMBO AMBAYO
HAYAMO KWENYE RASIMU YA
KATIBA

Serikali ya Majimbo
Ndugu Wananchi,

Tume ilipokea maoni kuhusu
mambo mengine muhimu
ambayo hayamo katika rasimu
hii. Moja ya mambo hayo ni
Serikali za Majimbo. Tume
ilichambua maoni na sababu za
wananchi kupendekeza Serikali
za Majimbo lakini Tume ilibaini
changamoto nyingi na ikaamua
kutopendekeza muundo huu.

Kwanza, baada ya kuamua
kupendekeza Muundo wa
Muungano wa Serikali Tatu,
ilionekana ni dhahiri kuongeza
ngazi nyingine ya Serikali
ingeleta gharama kubwa. Serikali
nyingine kumi zingekuwa na
Wakuu wa Majimbo, Mabaraza ya
Mawaziri na Mabunge na
gharama yake ingekuwa kubwa.

Pili, katika kutembelea nchi
Tume ilishuhudia dalili za wazi za
mivutano ya Udini,
ukanda,malalamiko ya
upendeleo wa baadhi ya maeneo
na ukabila. Dalili zilikuwa wazi
kwamba utawala wa majimbo
ungeirudisha nchi kwenye
utawala utakaoigawa nchi kwa
misingi ya ukabila, udini na
ukanda na kuzigawa rasilimali za
taifa kikanda na hivyo kuleta
tofauti kubwa ya kimaendeleo
katika nchi.

Mahakama ya Kadhi

Ndugu wananchi,
Jambo la pili ni mahakama ya
kadhi. Tume ilipokea maoni
mengi kuhusu suala hili.

Baadhi
ya wananchi walitaka mahakama
ya kadhi iingizwe kwenye Katiba
na wengine walipinga.

Baada ya
kuamua kuwa Muundo wa
Muungano uwe wa Serikali Tatu,
Tume iliona kuwa Mahakama ya
Kadhi siyo suala la Muungano na
imeliacha ili lishughulikiwe na
Washirika wa Muungano.
Hata hivyo ilionekana kuwa suala
siyo kuwapo au kutokuwapo kwa
mahakama ya kadhi. Mahakama
hizo zinaweza kuwapo bila ya
kuwa katika Katiba.

Zanzibar
kuna mahakama ya kadhi bila
kuingizwa kwenye Katiba ya
Zanzibar. Kwa kutumia uzoefu
huo hata Tanzania Bara inaweza
kupata ufumbuzi wa suala hili.

Wakuu wa Mikoa na Wakuu
wa Wilaya

Jambo la Tatu ni Kuwepo au
kutokuwepo kwa Wakuu wa
Mikoa na Wilaya. Baadhi ya
Wananchi walitaka Wakuu wa
Mikoa na Wilaya wasiwepo,
wengine walitaka Wakuu wa
Mikoa na Wilaya waendelee
kuwepo lakini wachaguliwe na
wananchi na waengine wakasema
wawepo na waendelee kuteuliwa
na Rais kama ilivyo sasa. Tume
ilitafakari kuhusu suala hili na
kuamua kwamba siyo suala la
Muungano na kwa kuwa Muundo
wa Muungano imependekezwa
uwe wa Serikali Tatu, Tume iliona
suala la uwepo au kutokuwepo
na namna ya upatikanaji wa
Wakuu wa Mikoa na Wilaya
lishughulikiwe na Washirika wa
Muungano.

Serikali za Mitaa
Kuhusu Serikali za Mitaa, Tume
ilipokea maoni kutoka kwa
wananchi kuhusu kuziimarisha
Mamlaka za Serikali za Mitaa kwa
kuzipatia uhuru kamili wa
kujiamulia mambo yao bila
kuingiliwa na Serikali Kuu.

Tume
ilitafakari suala hili na kuamua
kwamba siyo jambo la Muungano
na hivyo, litashughulikiwa
kwenye Katiba za Washirika wa
Muungano.

Uraia wa Nchi mbili
Ndugu Wananchi,
Jambo la tatu ni Uraia wa Nchi
mbili. Tume ilipokea maoni
kutoka kwa wananchi mbalimbali
kuhusu kuwekwa kwenye Katiba
suala la Uraia wa nchi mbili.

Baada ya kufanya uchambuzi kwa
kutengenisha mambo yapi ni ya
Kikatiba na yapi yanaweza
kutekelezwa bila kuingizwa
kwenye Katiba bali kwenye
Sheria inayohusu jambo husika,

Tume imependekeza kuwa suala
la Uraia wa nchi mbili linaweza
kuwekwa kwenye Sheria badala
ya kuwekwa kwenye Katiba. hii
ni kwa sababu kutokana na utafiti
uliofanywa na Tume, suala hilo
linaweza kubadilika wakati
wowote na hivyo likiwa kwenye
Katiba linaweza kuifanya Katiba
kubadilishwa mara kwa mara.

MWISHO

Naomba nichukue fursa hii kwa
niaba ya Tume kuwashukuru
Watanzania wote kwa kushiriki
kikamilifu katika mchakato wa
Mabadiliko ya Katiba, kuanzia
hatua ya kutoa maoni na
kuwachagua wawakilishi wenu
watakaopata fursa ya kuipitia,
kuijadili na kuitolea maoni
Rasimu ya Katiba.

Ushirikiano
huu ulikuwa muhimu sana kwa
Tume ya Mabadiliko ya Katiba
hasa ukizingatia kuwa lengo ni
kupata Katiba Mpya ambayo
itaakisi ndoto na matakwa ya
Wananchi wa Tanzania.

Tume ya Mabadiliko ya Katiba,
inatoa shukrani za dhati kwa
Serikali ya Jamhuri ya Muungano
wa Tanzania na Serikali ya
Mapinduzi Zanzibar:

1. Kwa kuipatia vifaa afisi na
mahitaji ya lazima
2. Kwa kuiwezesha Tume
kutekeleza majukumu yake
kwa ukamilifu,
3. Kwa kutokuingilia Uhuru wa
Tume wakati wa Utekelezaji
wa Majukumu yake na
4. Kutoa Wataalam wenye
Weledi, Mahiri, Makini na
Waadilifu ambao wameunda
Sekretarieti ya Tume.

Ndugu Wananchi,
Shukrani za pekee ziwaendee:
1. Wakuu wa Mikoa,
2. Wakuu wa Wilaya,
3. Wakurugenzi / Makatibu wa
Mamlaka za Serikali za Mitaa,
4. Makamanda wa Polisi wa
Mikoa na Wilaya,
5. Watendaji wa Kata, Vijiji,
Mitaa na Masheha.
Kwa kuisaidia Tume kutekeleza
Majukumu yake kwa ufanisi.

Aidha, tunazishukuru Asasi za
Kiraia, Taasisi, Jumuiya za Kidini,
Vyama vya Siasa na Makundi
mbalimbali kwa namna
walivyoshiriki katika
kuhamasisha wananchi kushiriki
katika kutoa maoni.

Mwisho ingawa siyo kwa
umuhimu, Tunawashukuru
Wanahabari wote kwa kazi nzuri
waliyoifanya ya kuisaidia Tume
kufikisha taarifa mbalimbali za
Tume kwa Wananchi na katika
kuhamasisha Wananchi kushiriki
katika mchakato wa Mabadiliko
ya Katiba.

Nachukua nafasi hii kuwaomba
Wananchi kupitia Mabaraza ya
Katiba ya Wilaya, Mabaraza ya
Katiba ya Asasi, Taasisi na
Makundi ya Watu wenye
Malengo yanyofanana kushiriki
vyema, kwa umakini, utulivu na
kwa amani katika hatua hii ya
kuipitia, kuijadili na kuitolea
maoni Rasimu ya Katiba.
Tume imekuwa ikithamini na
itandelea kuthamini mawazo na
maoni kutoka kwa Watanzania
wote.

Rasimu ya Katiba itapatikana
kwenye tovuti ya Tume ya
Mabadiliko ya Katiba ya
www.katiba.go.tz

Rasimu ya Katiba Mpya: Mgombea Binafsi Apendekezwa

Tume ya Mabadiliko ya Katiba nchini
Tanzania, imependekeza wawepo
wagombea huru katika ngazi za
uchaguzi mbalimbali nchini humo.

Hayo ni miongoni mwa mapendekezo
yaliyotangazwa jijini Dar es salaam na
Mwenyeketi wa Tume ya Mabadiliko
ya Katiba Jaji Joseph Warioba wakati
wa uzinduzi wa Rasimu ya Kwanza ya
Katiba Mpya.

Jaji Warioba amesema pia wapo
wananchi waliopendekeza kwamba,
wagombea huru waruhusiwe
kugombea nafasi zote isipokuwa
nafasi ya urais.

Jaji Warioba amesema
tume ilipitia maoni hayo na
kupendekeza kwamba, wagombea
huru waruhusiwe kugombea nafasi
zote kuanzia ngazi ya Mwenyekiti wa
Mtaa hadi nafasi ya Urais.

Kadhalika Jaji Warioba amesema,
Tume pia imependekeza kwamba,
mgombea yeyote wa urais ili athibitike
kuwa ni mshindi atalazimika kupata
zaidi ya asilimia hamsini ya kura, na
kwamba endapo mgombea
hatafanikiwa kupata asilimia hamsini
uchaguzi utarudiwa kwa kuangalia
wagombea wawili waliopata kura
nyingi.

Mapendekezo mengine
yaliyotangazwa na Tume ni pamoja na
kuwepo kwa serikali tatu yaani ya
Bara,Zanzibar na ile ya Shirikisho.

Pia tume imependekeza kuwa, Bunge
la Muungano liwe na jumla ya
Wabunge 75, hamsini kutoka Bara,
ishirini kutoka visiwani na watano
wateuliwe na Rais kutoka makundi
maalum ya walemavu.

Mapendekezo mengine ya Tume ya
Mabadiliko ya Katiba ni pamoja na
Rais kubakia na madaraka yake ya
uteuzi wa viongozi wa ngazi za juu,
lakini uteuzi wa ngazi za chini uachiwe
Tume ya Utumishi.

Imeeleza kwamba, Rais mara baada
ya kufanya uteuzi wa viongozi wa
ngazi za juu wakiwemo, mawaziri,
manaibu waziri, jaji mkuu na naibu jaji
mkuu, viongozi hao watalazimika
kuthibitishwa na Bunge.

Reginald Mengi Aipongeza Serikali kwa kuuza Nchi.

WAKATI wawekezaji wakigeni
wakizidi kunufaika huku watanzania
wakiendelea kuishi katika lindi la
umaskini, Mwenyekiti Mtendaji wa
Makampuni ya IPP Media Reginald
Mengi ameipongeza Serikiali ya
Rais Jayaka Kikwete kwa hatua ya
kuuza nchi kwa wawekezaji hao.

Pongezi za Mengi kwa Serikali ya Rais
Kikwete imekuwa na tafsiri tofauti
kutokana na jinsi ambavyo
wawekezaji hao wananufaika kupitia
migongo ya watanzania maskini na
rasilimali zao, huku Rais Kikwete na
Serikali yake ikiendelea kulifumbia
macho suala hilo.

Mengi ambaye ni miongoni mwa
watanzania wachache wanaotumia
sehemu ya mali zao kuwasaidia
watanzania wenye maisha magumu
hususan walemavu wa viungo na
ngozi, alitoa pongezi hizo kupitia
akaunti yake ya Twitter.

"Hongera Tz kwa kuwa labda nchi
ya kwanza duniani kubinafsisha
mashirika ya umma na kunufaisha
wawekezaji wageni badala ya
wananchi" alitweets Mengi katika
akaunti yake.

Kauli hiyo ya mengi pia imekuja
ikiwa ni wiki moja tu tangu wananchi
wa Mtwara wafanye vurugu kubwa
zilizosababisha vifo vya watu wawili
na kufanya uharibufu mkubwa wa
mali.

Vurugu hizo za wanamtwara zilikuwa
na lengo la kupinga hatua ya Serikali
ya Rais Kikwete kusafirisha Gesi
kutoka mkoani humo hadi jijini Dar
es Salaam na hatimaye kufika
Mkoani Pwani hasa katika Wilaya ya
Bagamoyo mahali alipozaliwa Rais
huyo.

Kauli ya Mengi pia imekuja katika
kipindi ambacho Tanzania inatarajia
kupokea ugeni mkubwa katika
historia ya nchi hii.

Rais wa Marekani
Barack Obama anatarajia
kutembelea Tanzania mwanzoni
mwa mwezi Julai mwaka huu, akiwa
na msafara wa watu 700 wenye
lengo la kuja kuwekeza Tanzania.

Ziara hiyo ya Obama inakuja ikiwa ni
miezi minne tangu Rais wa Jamhuri
ya watu wa China Xi Jinping
alipotembelea Tanzania kwa ziara
kama hiyo ya Obama.

Saigon Walambishwa Mchanga, Stars Yadroo, na Maduka ya M-Pesa Yavamiwa

Timu ya mpira ya Saigon kutoka mjini Kigoma wameshindwa kufua dafu mbele ya wenyeji Katavi Warriors kwa kukubali kichapo cha goli 2-1 katika Uwanja wa Azimio mjini Mpanda Mkoani Katavi katika mchezo ulioanza majira ya saa kumi na nusu.

Walikuwa ni Katavi walionza kuchungulia goli la Saigon kipindi cha kwanza kwa kupitia mshambuliaji wao David Siame katika kipindi cha kwanza. Na kufanya matokeo kusomeka moja bila mpaka mwisho wa kipindi cha kwanza.

Saigon ambao walishinda mchezo wa kwanza mjini Kigoma katika uwanja wa Lake Tanganyika kwa goli 3-2 Waliingia kwa kasi na kucheza mpira wa kupendeza katika kipindi cha pili na kufanikiwa kupata goli la kusawazisha katika katika dakika ya 72 ya mchezo kwa shuti kali, baada ya mabeki wa Warriors kufanya ajizi kwenye kuokoa.

Ni Aston Villa kama wanavyofahamika mjini Mpanda walirudi kwa kasi kwa kufanya mashambulizi makali, ambapo mchezaji wa Saigon Fc alizawadiwa kadi nyekundu kwa Utovu wa nizamu.

Katika dakika za lala salama Katavi warriors a.k.a Aston Villa waliweza kuandika goli la pili kupitia kwa yuleyule David Siame baada ya piga nikupige langoni mwa Saigon.

Mchezo huo uliisha kwa goli 2-1 na kufanya matokeo kwa ujumla(Aggregate) kusomeka 4-4 huku Katavi Warriors wakifanikiwa kusonga mbele kwa faida ya goli za ugenini, sambamba na hilo kocha msaidizi wa Saigon alitolewa nje ya uwanja.

Kwa matokeo hayo yameivusha Katavi Warriors ambapo wanatarajia kupambana na Bunda Fc kutoka Mara, Katavi wamekuwa na rekodi nzuri katika uwanja wa nyumbani.

Huku hayo yakijili katika mida ya jioni kumetokea vulumai na majambazi waliokuwa na siraha kufanikiwa kuiba maduka matatu ya M-Pesa kiasi cha jumla milioni moja na laki sita. Ambapo duka la kwanza waliiba shilingi laki saba(7k) na duka la pili shilingi laki tisa(9k) hukt duka la tatu wakipola simu mbili.

Tukio hilo la uporaji limetokea muda wa saa mbili usiku katika mtaa wa majengo uwanja wa fisi. Hakuna aliyejeruhiwa, maganda ya risasi yaokotwa.

Wananchi wa eneo hilo wamelitupia lawama jeshi la polisi kwa kushindwa kuweka usalama wa kutoka kwani askari wanao kuwa dolia usiku wameonekana kushughulikia na kukamata Pikipiki(bodaboda) zaidi ya kulinda usalama. Habari zaidi juu ya tukio hilo zitafuata.

Taifa stars nao watoshana nguvu na Sudan baada ya kutoka sale tasa ya bila kufungana, katika mchezo wa kirafiki wa kujianda kufuzu kwa michuano ya kombe la dunia hapo mwakani nchini Brazil. Sudan watavaana na Ghana huku Tanzania wakiifuata Morocco Mjini Marakech.

Kijana Anusurika kufa Kwa Kuchomwa Moto na Vibaka

Mtu mmoja aliyetambulika kwa
jina la Ismai Mayoba (31)
anayefanya kazi Bar ya
Mangrove, Mkazi wa Manispaa ya
Lindi amenusurika kifo baada ya
kuvamiwa na kundi la Vijana
waliotaka kumpora na hatimae
kumchoma moto.

Kwa sasa kijana huyo amelazwa
katika Hospital ya Sokoine Mjini
humo.

Kufuatia tukio hilo, Jeshi la Polisi
wilayani Lindi limefanikiwa
kumkamata mtu mmoja kati ya
watuhumiwa saba waliohusika na
tukio hilo lilitokea katika eneo la
Mtaa wa Congo.

Akithibitisha kuwepo kwa tukio
hilo na kukamatwa kwa
mtuhumiwa.

Afisa Mnadhimu wa
Jeshi la Polisi Mkoa wa
Lindi, Renatha Mzinga alimtaja
ndugu Ally Manially (22) mkazi wa
mtaa wa Kongo kuwa anashikiliwa
na Jeshi hilo na atafikishwa
mahakamani leo kujibu shitaka la
kujeruhi na kujipatia pesa kwa njia
ya Udanganyifu ikiwa pamoja na
kumchoma mwenzie Moto huku
akijua ni kosa kisheria.

Aidha Mzinga alieleza kuwa Jeshi
la polisi linaendelea kutafuta
watuhumiwa wengine 6
waliohusika na tukio hilo. Chanzo:Mpekuzi

Waukimbia Msikiti

Kauli iliyotolewa na mbunge wa
kilindi Beatrice Shelukindo ya
kuwa msikiti wa barabara ya saba
uliopo katika manispaa ya
Dodoma unafundisha mafunzo ya
ugaidi na kareti kwa waumini
wake imeuathiri msikiti huo.

Akizungumza na Jombo Shekhe
Mohamed Awadhi wa msikiti huo
alisema kauli yake hiyo
Imewaathiri waumini wake
kutokana kuukimbia na baadhi ya
wanafunzi waliokuwa wakisoma
masomo kuhamishwa na wazazi
wao.

Awadhi alisema hivi sasa wapo
katika wakati mgumu kutokana na
waumini waliokuwa wakiswali
ndani ya msikiti huo kuamua
kuhama baada ya kutolewa kauli
ambayo wanaamini ni ya uzushi na
uchochezi kwa ajili ya kupotosha
jamii na serikali.

Shekhe huyo alisema kuwa msikiti
huo umejengwa kwa miaka mingi
na karibu baadhi ya wanaoswali ni
pamoja na viongozi wa kiserikali
wakiwemo askari toka taasisi
mbalimbali kama vile
polisi,wanajeshi,usalama na
takukuru.

“Sasa kama kweli sisi tungekuwa
tunafundisha hayo mafunzo ya
ugaidi na kareti, serikali pamoja na
waumini kutoka vyombo vya dola
kweli msikiti huo ungeachwa bila
kuchukuliwa hatua zozote ”aliuliza
Shekhe Awadhi.

Naye mlezi wa wanafunzi wa
msikiti huo wa barabara ya saba
Husseni Hamedi Fundi,alikiri
baadhi ya wazazi na walezi
kuwahamisha watoto wao
kutokana na kauli iliyotolewa na
mbunge huyo wa jimbo la Kilindi.

Fundi alisema kuwa msikiti
unapokea wanafunzi kutoka nje ya
Mkoa wa Dodoma kama vile
Kigoma,Singida,Mwanza,Pemba,
Zanzibar,Tanga na Bukoba kwa
ajili ya kujifunza lugha ya kiarabu
na elimu ya Quran.

“Lakini hivi sasa baadhi yao
wamehamishwa na wazazi, walezi
na hii yote ni kutokana na uzushi
uliotolewa na Mbunge huyo wa
Kilindi ambaye sisi kama waumini
wa msikiti huo tunaona
amepotosha jamii na serikali yetu.

''Kauli yake hiyo imetudhalilisha
sana hivyo tunaamini
Mwanamama huyo anatakiwa
kusema ukweli ukizingatia kuwa
sehemu anayoielezea ni Bunge
ambalo linalotegemewa na
Watanzania wote''.

Alisema Fundi
Kauli hiyo iliyoleta utata ilitolewa
na Mbunge wa  jimbo la Kilindi
Beatrice Shelukindo mei 4, mwaka
huu wakati akichangia bajeti ya
Wizara ya mambo ya ndani
alisema msikiti huo wa barabara
ya saba unatoa mafunzo ya ugaidi
na kareti.

Chadema yaitupia Cuf tuhuma za Ushoga

Mheshimiwa Spika, kwa mujibu wa
ripoti iliyotolewa na Umoja wa
Mataifa ‘United Nations
University’(UNU-WIDER) ya mwezi
Aprili 2012 iliyoandaliwa na Aili Mari
Tripp ilionyesha kuwa misaada ya
wahisani kutoka nje katika
mabadiliko ya kisiasa Tanzania
‘Donor Assistance and Political
Reform in Tanzania’, inaonyesha
kuwa Tanzania imepokea misaada
kutoka nje yenye thamani ya dola za
kimarekani bilioni 26.85 toka mwaka
1990-2010.

Mheshimiwa Spika, kwa mujibu wa
ripoti hiyo ni kuwa Tanzania ni nchi
inayoongoza kusini mwa jangwa la
Sahara kwa kupokea misaada mingi
kutoka nje ya nchi na hasa kutoka
mataifa ya Ulaya na taasisi za nchi za
Uingereza, Marekani, Ujerumani,
Uholanzi, Norway, Canada, Sweden,
na taasisi kama Benki ya Dunia,
IMF ,UNDP ,UNICEF na mengineyo.

Pamoja na misaada yote hiyo, bado
tumeendelea kuwa nchi maskini
sana duniani pamoja na kuwa na
rasilimali lukuki ambazo tumepewa
na Mungu ila tunashindwa kuzitumia
kwa manufaa ya watanzania na
badala yake tumeendelea
kudanganywa na vimisaada vidogo
vidogo na kubadilishana na
rasilimali zetu kama madini,
misitu ,wanyama nk kwa ajili ya
misaada hiyo

.

Mheshimiwa Spika, pamoja na
misaada hiyo kwa serikali hii ya CCM
bado vyama vya siasa vimekuwa na
mahusiano na baadhi ya vyama
vingine vya siasa katika mataifa ya
magharibi na vimekuwa vikipokea
misaada ya aina mbalimbali kama
fedha , nyenzo na mengineyo kadiri
ya makubaliano na mirengo ya
kiitikadi ya vyama husika.

Pamoja na
ukweli huo bado vipo vyama vya
siasa vinavyopotosha umma
kuhusiana na misaada vinayopokea
kutoka nje ya nchi na vyama hivi
vimekuwa mstari wa mbele kueneza
propaganda za uongo kuwa
vyenyewe havipokei misaada kutoka
nchi za magharibi

.

Mheshimiwa Spika, CCM wao
‘wanajiita’ kuwa wapo mrengo wa
kijamaa/kikomunisti na wamekuwa
wakipokea misaada mingi sana ya
fedha na nyenzo kutoka Umoja wa
Vyama vya Kikomunisti Ulimwenguni
‘Socialist International’ kutoka katika
nchi kama za Ujerumani kupitia
SDP ,Uingereza kupitia chama cha
Labour,China kupitia chama cha
Kikomunist ,Marekani kupitia chama
cha Democrats

.

Pamoja na misaada
ya kifedha na kiufundi ambayo CCM
imekuwa ikipata kutoka nje
wamekuwa hawatangazi hadharani
hata mara moja kuhusiana na kiasi
ambacho wamekuwa wakipokea na
hivyo kila kitu kwao imekuwa ni siri
kuu ya viongozi wao.

Mheshimiwa Spika, kwa upande wa
chama cha CUF, kutokana na itikadi
zake za mrengo wa Kiliberali
ambazo miongoni mwa misingi yake
mikuu ni pamoja na “kupigania haki
za ndoa ya jinsia moja, usagaji na
ushoga”

Hii ni kwa mujibu wa
tangazo lao kwenye mtandao wao
wa umoja wa maliberali
ulimwenguni, likiungwa mkono na
Waziri wa Haki na Usawa wa
Uingereza, Lynn Featherstone kutoka
chama cha Liberal Democrats wakati
chama hicho (www.liberal-
international.org) kilipokuwa
kinapitisha azimio la kuruhusu ndoa
za jinsia moja kama haki ya mtu
mmoja mmoja, wanashirikiana na
vyama kama vile LPC ya Canada, Det
Radikale Venstre cha Norway, FDP
cha Ujerumani, Israel Liberal Group
cha Israel,PDS cha Senegal na
Liberal Democrats cha Uingereza.

Kutokana na umoja huo, CUF
wamekuwa wakipata msaada wa
kifedha na nyenzo nyingine
mbalimbali kutoka kwa vyama hivyo
vya mrengo wa Kiliberali na msaada
wa mwisho ni hivi majuzi mwezi
Machi 2013 waliposaini makubaliano
na chama cha Kiliberali kutoka
Norway.

Mheshimiwa Spika, kwa upande wa
CHADEMA, wapo kwenye Umoja wa
Vyama vya Kidemokrasia
Ulimwenguni (International
Democratic Union - IDU). Huu ni
umoja wa vyama ambavyo vipo
kwenye mrengo wa kati na ambavyo
msingi wake mkuu ni pamoja na
kuwa na familia, kama taasisi
muhimu katika jamii, ikimaanisha
kwamba: “tunapinga vitendo vyote
vya ushoga na usagaji”.

Tunatetea
demokrasia, haki za binadamu na
kupambana na ufisadi katika serikali.
Vyama wanachama wa umoja huu
ni pamoja na Conservative Party cha
UK, CPP cha Norway, Republican cha
Marekani na vingine vinavyofuata
mrengo huo

.

Mheshimiwa Spika, Kambi rasmi ya
upinzani Bungeni, inavitaka vyama
vyote ambavyo vimekuwa na
mahusiano na vyama vya nje viweke
wazi mikataba yao na malengo ya
mahusiano hayo ikiwa ni pamoja na
misaada ambayo vimekuwa
vikipokea kutoka kwenye nchi hizo.

Mkuu wa baraza la Congress Ajiuzulu Libya

Mwenyekiti wa baraza la kitaifa la
Congress nchini Libya amejiuzulu
kufuatia kupitishwa kwa sheria mpya
inayoharamisha yeyote aliyefanya kazi
katika serikali ya hayati Muamar
Gaddafi kushikilia wadhifa wowote
katika serikali ya sasa.
Katika taarifa yake kwa vyombo vya
habari, Muhammad al-Magarief
alisema kuwa bunge ilipitisha sheria
inayowatenga watu waliofanya kazi
katika serikali ya Gaddafi, na kuwa kila
mtu anapaswa kuitii sheria hiyo.

Aidha sheria hiyo, imekosolewa sana
kwa kuwa na nguvu sana.
Kanali Gaddafi aliondolewa
mamlakani mwezi Agosti mwaka
2011.

"najiuzulu na ninafanya hivyo kwa
roho safi nikiwa najivunia kwa kufanya
hivyo," alisema bwana Magarief,
alipokamilisha hotuba yake ya dakika
40, kwa baraza la Congress.

Hata hivyo haijulikani kwa sasa ikiwa
wanachama wa Congress,
wanahitajika kupiga kura kuhusu ikiwa
watalikubali au kulikataa ombi la
bwana al-Magarief kujiuzulu.

Hata hivyo, kufuatia taarifa yake,
msemaji wa Congress, Omar
Hmeidan, alisema kuwa baraza la
Congress litahitajika kumteua
mwenyekiti mwengine.

Chini ya sheria mpya, mabalozi
waliofanya kazi chini ya utawala wa
Gaddafi hawawezi kuendelea
kushikilia nyadhifa zao.
Kulikuwa na mjadala mkali kuhusu
mabadiliko yanayofanyiwa sheria
hiyo, kuruhusu baadhi ya maafisa
kushikilia nyadhifa hiyo , lakini hilo
bado halijafanyika.

Dr Magarief alihudumu kama balozi
nchini India, kwa miaka miwili, katika
miaka ya themanini kabla ya
kuondoka katika serikali ya Gaddafi.

Aliishi uhamishoni kwa miaka 31 kama
kiongozi wa vuguvugu la ukombozi
wa Libya.

Report toka Hospitali Aliyopelekwa Ngwair

Taarifa hii inayodaiwa kutoka kwa madaktari Millard Ayo kutoka South Afrika kathibitisha kuwa siyo ya kweli.

The Medical report from Helen Joseph
hospital.

Dr Shirley Radcliffe confirming
that albert Mangwair died from “alcohol
toxicity” after drinking too much, Over-exhaustion and drugs overdose.

The
inquest heard that Albert 28, collapsed
in the his friends home had been
more than five-times the legal S.A
drink-drive limit with 416mgof alcohol
per 100 milliliters of blood in his
system.

Radcliffe described the
reasons for ICU admission included
hypoxia and one of his friend found
“two empty vodka bottles[found] on
the Car” and he had been suffering
from the eating disorder Bulimia for
several months before his death and
endless partying session with little or
no resting.

Sample taken from his
stomach showed poly-drug cocktail
and he overdosed Heroin,Cocaine
'crack' and cannabis 0.08gms was also
found in his blood and his death was
caused by massive heart attack and
respiratory failure followed by sudden
Heart stop and end up dead within
seconds!

M23 Haiinyimi Tanzania Usingizi yadai Serikali

Tanzania imesema vitisho
vinavyoendelea kutolewa na waasi wa M23
wanaopigana Mashariki mwa Jamhuri ya
Kidemokrasi ya Congo (DRC), haviinyimi
usingizi.

Hata hivyo, imetaka Jumuiya ya Kimataifa
kutopuuza vitisho hivyo.
Kauli ya Tanzania inakuja huku kukiripotiwa
kuwapo kwa mapigano makali baina ya vikosi
vya Serikali waliopambana na waasi hao, ambao
wameanzisha tena harakati ya kuliteka Jimbo la
Goma na maeneo mengine ya jirani.

Mapigano hayo ni ya kwanza tangu M23,
kuondoka mjini humo mwaka jana kufuatia
shinikizo za kidiplomasia.

Umoja wa Mataifa (UN), umesema utaongeza
kasi ya juhudi zake za kutafuta amani kwa
kutuma kikosi cha wanajeshi 3,000 kujaribu
kuzima mapigano hayo, ambayo yalisababisha
watu 19 kuuawa na wengine kujeruhiwa.

Msemaji wa Jeshi la Wananchi wa Tanzania
(JWTZ), Kanali Kapambala Mgawe alisema vikosi
vya Tanzania vilivyoko Congo vitaendelea
kutekeleza majukumu yake kwa kuzingatia
weledi na miongozo ya UN.
Kanali Mgawe alisema kauli zozote za vitisho
vinazoendelea kutolewa na waasi hao, haziwezi
kurudisha nyuma juhudi hizo.

Hata hivyo, Kanali Mgawe aliitaka Jumuiya ya
Kimataifa kutopuuzia vitisho hivyo.

“Inawezekana kuna jambo hapa maana kwa nini
Tanzania ipewe vitisho ilhali operesheni hiyo ya
amani inahusisha mataifa mengine?” alihoji
Kanali Mgawe.

Nchi nyingine ambazo zimekubali kutuma wanajeshi wake kupigana na waasi hao ni Malawi na Afrika
Kusini.

Waasi wa M23 wamekuwa wakitoa vitisho kwa wanajeshi wa Tanzania, lakini Serikali imekuwa ikitamba
kuwa hivyo ni vitisho na kazi ya kulinda amani itaendelea kama ilivyopangwa.

Tayari, Katibu Mkuu wa
UN, Ban-Ki Moon ametembelea nchi hiyo.

Al Shabab Washambulia tena Kenya

Takriban watu sita wameuawa katika
shambulizi lililofanywa na wapiganaji
wa kiisilamu mpakani mwa Kenya na
Somalia, kaskazini mwa nchi.

Duru za polisi zinasema kuwa polisi
wawili walifariki kutokana na
shambulizi hilo lililofanywa katika
vituo vya Abdisugow na Damajale.

Msemaji wa kundi la wapiganaji wa
kiisilamu wa al-Shabab, limekiri
kufanya shambulizi hilo na kuwa watu
wanane waliuawa.

Jeshi la Muungano wa Afrika ambalo
limefurusha wapiganaji wa Al
Shabaab kutoka
Mogadishu,limewadhoofisha
wapiganaji hao ingawa hufanya
mashambulizi ya mara kwa mara
mpakani.
Al-Shabab, linatumia sheria za
kiisilamu katika maeneo wanayodhibiti
nchini Somalia.

Wamefurushwa
kutoka maeneo ya mijini ingawa
wanaendesha harakati zao katika
maeneo ya mashinani.

Mkuu wa polisi, Inspekta David
Kimaiyo, aliambia shirika la habari la
AP, kuwa watu sita wangali
hawajulikani waliko, kufuatia
shambulizi la jumamosi usiku.

Sheikh Abdiasis Abu Musab,ambaye
ni msemaji wa shughuli za kijeshi za
al-Shabab, aliambia shirika la habari
la Reuters kuwa siku ya Jumamosi
waliweza kuingia kilomita 35 ndani ya
Kenya na kuvamia kambi za polisi.

Mtandao mmoja wa kundi hilo
ulikuwa na ahabri kuwa watu wawili
walitekwa nyara na kuingizwa Somalia.

Mkuu wa wilaya karibu na kambi ya
Dadaab, Albert Kimathi, alithibitisha
mashambulizi hao mawili dhidi ya
vituo vya polisi.

Wanamgambo hao wamekuwa
wakifanya mashambulizi ya mpakani
nchini Kenya tangu mwaka 2011
ambapo majeshi ya Kenya kwa
ushirikiano na wanajeshi wa AU ,
walipoingia Somalia kupambana na
wanamgambo wa Al Shabaab.

Saigon Waponea ChupuChupu Kwa Warriors

Timu ya Saigon kutoka mkoani kigoma hii leo wameponea chupuchupu kuchezea kichapo kutoka kwa Katavi Warriors ya mkoani Katavi.

Katika uwanja wa Lake Tanganyika Saigon wamefanikiwa kutumia uwanja huo wa nyumba vizuri kwa kuibuka na ushindi wa taabu wa goli tatu kwa mbili.

Kipindi cha kwanza kiliisha kwa kila timu kutoona lango la mwenzie, Walikuwa ni Warriors katika kipindi cha pili walipoanza kupata goli kabla ya Saigon kusawazisha dakika chache baadae.

Aston Villa kama wanavyofahamika katika mitaa ya Majengo, kawajense na viunga vyote vya Mpanda hawakufanya ajizi tena walipopachika goli la pili na kufanya matokeo kusomeka 1-2. Wazee wa mikebuka walirudi kwa spidi na kusawazisha goli hilo na dakika chache kuongeza goli la tatu.

Mchezo wa marudioano utafanyika katika Uwanja wa Azimio katikati ya mji wa Mpanda mkoani Katavi siku ya Jumapili tarehe 2 June. Kabla ya mchezo huo Warriors watapambana na Rhino Rangers kutoka Tabora katika uwanja wa Azimio, mchezo huo ni wakujipima nguvu.

Katavi Warriors wanahitaji ushindi wa goli moja kwa bila ili kuweza kujihakikishia nafasi ya kusonga mbele katika michuano hii ya kuelekea ligi daraja la pili. The Warriors wamefika hapo baada ya kuwaondosha Rukwa United na Saigon kuwafungashia virago Mirambo ya Tabora.

Vikongwe Wauwawa Kwa Kuchomwa Moto

MAUAJI ya kikatili yametokea usiku
wa kuamkia leo wilayani Bunda,
mkoani Mara baada ya watu wenye
hasira wa kijiji cha Kasaula kuwauwa
kwa kuwachinja kama Kuku kisha
kuwachoma moto vikongwe watatu
kwa kuwatuhumu wanajihusisha na
vitendo vya kishirikina.
Pia watu hao mbali na kuwaua
kikatili vikongwe hao kwa tuhuma
kwamba walimuua kijana mmoja
aitwaye Sale Ligolo, walichoma
moto na kuteketeza nyumba
walizokuwa wakiishi wazee hao
pamoja na kupora kuku waliokuwa
wakiwafuga na kuwatafuna kumaliza
hasira zao.

Kwa mujibu wa wa taarifa ya
mwandishi Masau Bwire aliyepo
Bunda kwa sasa, tukio hilo
limetokea usiku wa kumakia leo
baada ya watu hao wenye hasira
kuwasaka ajuza hao baada ya
kuwepo tuhuma kwamba
walishirikiana kumuua kijana huyo
hivi karibuni.

Kijana huyo alikufa kwa kugongwa
na gari, lakini dereva aliyemgonga
alidai hakuona kama alimgonga
mtu ila mbwa na pia inaelezwa
tangu azikwe kijana huyo alikuwa
akirejea kwa mkewe na kumuita
nyakati za usiku pamoja na
kusumbua familia yao akitaka
apewe chakula na ndipo
wanafamilia hao walipoamua
kwenda kwa mganga kuchunguza
tukio hilo.

Wakiwa kwa mganga,wanafamilia
hao walitajiwa majina ya wanakijiji
watatu wa kijiji hicho ambao hata
hivyo walitoroka kwenda vijiji vya
jirani pamoja na familia zao kabla ya
usiku wa leo kuvamiwa
walipokuwepo na kuangushiwa
adhabu hizo za kinyama.
Wa kwanza kushambuliwa na
kuuwa ni bibi aitwaye Bi Mgala
ambaye alikimbilia kijiji cha jiorani
kwa rafiki yake aitwaye Bi Laya,
ambapo walimkata miguu yote
miwili na kumtenganisha kichwa na
kiwiliwili kabla ya kumchoma moto
ambapo hata hivyo kitu cha ajabu ni
kwamba ziliungua nguo zake tu
huku mwili ukiwa upo vile vile.

Baadaye walimgeukia Bi Laya
aliyekuwa akitaka kuwatoroka na
kumfanyia unyama kama rafikie kwa
kosa la kumhifadhi Bi Mgala kwa
kuamini huenda wanafanya
shughuli za kishirikina pamoja na
baadaye kurudi Kasaula na
kumnasa Bi Chausiku na kumfanyia
kama walivyowafanyia ajuza hao
wengine kisha kuchoma nyumba
tatu.

Bibi wa tatu wanayemtuhumu pia
kwa ushirikina, ametimka kijijini
hapo, lakini nyumba yake
imeteketezwa pamoja na kuku
waliokuwa wakiwafuga kuporwa na
watu hao na kutumia moto
waliouwasha katika nyumba hizo
kuwachoma na kuwala kwa hasira.

Kamanda wa Polisi wa Bunda, Mika
David Nyange amethibitisha juu ya
tukio hilo la kusikitisha na kwamba
wanedelea na upelelezi kwa nia ya
kuwasaka waliohusika na kitendo
hicho cha kujichukulia sheria
mikononi.

Taifa Stars Kuelekea Ethiopia Leo

Timu ya Taifa ya Tanzania (Taifa Stars) inatarajia kuondoka leo (Mei 26
mwaka huu) usiku kwenda Addis Ababa, Ethiopia ambapo itaweka kambi na
kucheza mechi moja ya kirafiki kabla ya kwenda Morocco.

Stars inayodhaminiwa na Kilimanjaro Premium Lager itaondoka saa 5 usiku kwa
ndege ya EgyptAir ikiwa na kikosi cha wachezaji 21 chini ya nahodha wake
kipa Juma Kaseja.

Timu hiyo ikiwa Ethiopia, Juni 2 mwaka huu itacheza mechi ya kirafiki dhidi
ya Sudan ambapo siku inayofuata itaondoka kwenda Marrakech, Morocco kwa
kupitia Cairo, Misri. Mechi hiyo ya mchujo ya Kombe la Dunia dhidi ya
wenyeji Morocco itachezwa Juni 8 mwaka huu jijini Marrakech.

Mbali ya nahodha Kaseja, wachezaji wengine wanaoondoka katika kikosi hicho
ambacho kina wiki sasa tangu kingie kambini jijini Dar es Salaam ni Mwadini
Ally na Ally Mustafa ambao wote ni makipa.

Wengine ni Shomari Kapombe, Kevin Yondani, Aggrey Morris, Haroub Nadir,
Mwinyi Kazimoto, Frank Domayo, Mrisho Ngasa, Khamis Mchana, Amri Kiemba,
Salum Abubakar, Simon Msuva, John Bocco, Vicent Barnabas, Mudathiri Yahya,
Athuman Idd na Haruni Chanongo.

Wachezaji Mbwana Samata na Thomas Ulimwengu ambao wako na timu yao ya TP
Mazembe ya Jamhuri ya Kidemokrasi ya Congo watajiunga moja kwa moja na
Stars jijini Marrakech, Juni 4 mwaka huu wakitokea Maputo, Msumbiji mara
baada ya mechi yao ya Kombe la Shirikisho dhidi ya Liga Muculumana ya huko.

Katika msafara huo wa Ethiopia benchi la ufundi la Stars linaundwa na Kim
Poulsen (Kocha Mkuu), Sylvester Marsh (Kocha Msaidizi),Juma Pondamali
(Kocha wa makipa), Leopold Tasso (Meneja wa timu), Dk. Mwanandi Mwankemwa
(Daktari), Frank Mhonda (Mtaalamu wa tibamaungo) na Alfred Chimela (Mtunza
vifaa).

The Bavarians Mabingwa Wapya Ulaya

Hatimae timu kutoka Jijini Münch The Bàvarian Bayern Münich wamefanikiwa kuchukua ubigwa wa ligi ya mabigwa ulaya kwa mara ya tano(5)

Bayern imepata ubingwa baada ya kuwapa kichapo ndugu zao Borussia Dortmund kwa goli mbili kwa moja.

Bayern walikuwa wa kwanza kupata goli kupitia kwa mcroatia Mario Mandzükic katika dakika ya 60 akipokea mpira kutoka kwa Arjen Robben.

Dakika nane baada Dante Borim alimchezea vibaya Marco Reuc na kusababisha penati ambapo Gündogan aliweka wavuni na kufanya matokeo kusomeka 1-1 katika dakika ya 68.

Alikuwa ni Arjen Robben ambaye alipeleka shangwe kwa Munchen katika dakika ya 89 ya mchezo kwa kupachika goli maridadi baada ya juhudi binafsi kutumika.

Bayern wanaungana na Madrid, Ac Milani na Liverpool kuchukua Ubigwa wa ulaya zaidi ya mara tano. Madrid anaongoza kwa kuchukua mara 9 akifuatiwa na Ac Milan ambao wamenyakua mara saba(7) huku Bayern na Liverpool wakiwa wamechukua mara tano kila mmoja.

Barcelona wanafuata kwa kuchukua mara nne(4) Manchester united mara tatu(3) na timu nyingine kutoka uingereza ya N.Forest wakichukua mara mbili(2) na Chelsea mara moja.
Hongera kwa Bayern Münich.

Lipumba Aibua Jambo Zito

MWENYEKITI wa Chama cha
Wananchi (CUF), Profesa Ibrahim
Lipumba, ameibua suala zito
akikihusisha chama chake na
“kumnusuru” Rais Jakaya Kikwete
katika uchaguzi mkuu uliopita.

Profesa Lipumba alitoboa siri hiyo
katika Msikiti wa Idrissa, Kariakoo,
jijini Dar es Salaam, alikokwenda
kuswali swala ya Ijumaa.
Huku akisisitiza juu ya umuhimu wa
mshikamano wa kiimani, Profesa
Lipumba alianza kwa kuzungumzia
matokeo ya uchaguzi mkuu wa
2010, na ushindani mkali wa kisiasa
uliokuwapo.

Alisema hawaoni matunda ya
jitihada walizofanya kumnusuru Rais
Kikwete asishindwe, kwani hata chini
ya uongozi wake, Waislamu
wameendelea kutothaminiwa.
“Ninyi masheikh mnajua vizuri zaidi
hali ya kisiasa ilivyokuwa, kwamba
ilibidi zifanyike juhudi za makusudi
ili kuokoa jahazi. Lakini pamoja na
kuliokoa jahazi, hali halisi
inaonyesha mpaka sasa hakuna
matunda yoyote yaliyopatikana, na
tupo katika mtihani mgumu zaidi,”
alisema.

Katika hali ambayo inasemekana
ushindi wa Rais Kikwete ulipatikana
kwa mbinu, huku wengine
wakiituhumu Tume ya Taifa ya
Uchaguzi kuwa ilimnusuru
mgombea wa CCM, kauli hii ya
Profesa Lipumba inadokeza kwamba
anajua mkakati zaidi wa kazi ya
Tume ya Uchaguzi.

Katika hali isiyo ya kawaida, Profesa
Lipumba anaonekana kuhamasisha
Waislamu kujipanga akisema
“wenzetu wameanza kujipanga”
kuelekea 2015.
“Kwahiyo kama Waislamu tunataka
kupata haki zetu, kama tunataka
kuishi kama raia wa daraja la
kwanza katika nchi yetu, lazima
tujipange kuelekea uchaguzi mkuu
wa 2015; na sisi tuanze kujipanga
kwa sababu wenzetu wameanza
kujipanga, vinginevyo tutaendelea
kubaki maskini na raia wa daraja la
nne katika nchi yetu wenyewe.

“Mwaka 2010 wakati mshindi wa
uchaguzi wa rais alipotangazwa,
mimi nilikwenda kwenye hafla ya
kutangazwa matokeo, na nilikwenda
makusudi tu, siyo kwamba uchaguzi
ulikuwa huru na wa haki, ila
nilikwenda makusudi kwa kujua hali
ya kisiasa ilivyokuwa wakati huo.

“Huku nilikutana na Sheikh Basaleh.
Nilipokutana naye, alinipongeza;
sijui kama yeye anakumbuka,
akaniambia ‘umeweka mbele imani
yako na umekuwa mwelewa wa
mambo.’”
Hata hivyo, licha ya Profesa Lipumba
kuwaambia Waislamu wajipange
kwa ajili ya uchaguzi mkuu,
hakusema wajipange kupitia chama
kipi.

Lakini alisisitiza kwamba uchaguzi
ujao ni zaidi ya siasa au rais yupi
anafaa, bali maslahi, hasa ya
rasilimali nyeti zinazopatikana katika
ukanda wa Pwani ya Mashariki, eneo
ambalo alisema linakaliwa zaidi na
watu wenye imani ya Kiislamu.

Katika moja ya kauli zake, Profesa
Lipumba alisema kwamba kuna
chama kimoja kinataka kuchukua
madaraka ya nchi, lakini kinasaidiwa
na mataifa ya magharibi, yasiyoenzi
wala kuthamini imani ya Kiislamu.
Kwa muda sasa, zimekuwapo tetesi
kwamba CCM imekuwa inafanya
siasa za udini dhidi ya vyama vya
upinzani, hasa inapoona maslahi
yake yapo hatarini.

Mwaka 2010 makada kadhaa wa
CCM walitumia mitandao ya simu
kuchonga (spoofing) ujumbe wa
simu ulioshambulia mgombea
mmoja wa upinzani, ukimhusisha
na imani yake.

Kauli ya Lipumba imethibitisha pia
minong’ono iliyokuwapo muda
mrefu kuwa baadhi ya kura za
Profesa Lipumba zilipotelea kwa Rais
Kikwete.
Katika uchaguzi huo, Lipumba
alitangazwa kushika namba ya tatu,
nyuma ya Rais Kikwete na Dk.
Willibrod Slaa wa CHADEMA.

Alipoulizwa kuhusu ziara yake
msikitini na kauli aliyotoa, Profesa
Lipumba alikiri kwamba alikwenda
kuzungumzia hali ya kisiasa nchini.

Chanzo:Tanzania Daima

Mwalimu Ajifungua Watoto Watano

Mwalimu wa Shule ya Sekondari
Luwawasi iliyopo Manispaa ya Songea, Sophia
Mgaya (28) amejifungua kwa njia ya upasuaji
watoto watano jana asubuhi katika Hospitali ya
Rufaa ya Songea ambapo watatu kati yao ni wa
kiume na wawili wa kike.

Upasuaji huo ambao umefanywa na Daktari
Bingwa wa Magonjwa ya Wanawake, Dk Mgonde
umefanyika kwa mafanikio ambapo ulifanywa
saa 5:15 asubuhi na kumalizika 5:45 asubuhi
baada ya Mwanamke huyo kugundulika akiwa
na tatizo la kutanguliza kitovu wakati ujauzito
wake ukiwa na miezi saba.

Akizungumza na waandishi wa habari jana
katika wodi ya wajawazito hospitalini hapo,
Ofisa muuguzi msaidizi Vilgilia Mselewa
amesema, walimpokea mama huyo jana saa 6
mchana baada ya kufanyiwa upasuaji na hali
yake pamoja na wanawe inaendelea vizuri.

Amesema, mtoto wa kwanza ni wa kike
amezaliwa akiwa na gramu 730, mtoto wa pili ni
wa kiume  ana uzito wa gramu 810, watatu wa
kiume alikuwa na gramu 670 wanne wa kiume
gramu 820 na watano ni wa kike aliyekuwa na
gramu 430, hali za wototo zinaendelea vizuri na
wapo kwenye chumba cha watoto ambao
hawajatimiza miezi.
Akizungumza hospitalini hapo na Mwananchi,
Mama mzazi wa watoto hao, amesema
amefurahi kupata watoto hao na anamshukuru
Mwenyezi Mungu kwa upendo mkubwa
aliompatia kwani alilia sana alipopoteza
mwanaye wa kwanza wa kike aliyezaliwa
mwaka 2010 na kufariki akiwa na miezi saba.

Aidha amewashukuru madaktari na wauguzi
kwa msaada walimpatia kwani bila wao hali
ingekuwa mbaya na amewataka Watanzania
kuendelea kumwombea yeye na wanaye ili aweze kupata afya njema na kuweza kuwalea watoto wake
kwani ana hamu ya kuwaona wakikua na kuendelea kumfariji katika maisha yake.

Naye baba mzazi wa watoto hao Zacharia James (30) mkazi wa Mkoa wa Njombe amemshukuru Mungu.

Chanzo: Mwananchi.

JWTZ Lakanusha Uvumi kutoka D.R Congo.

Jeshi la Ulinzi la Wananchi wa
Tanzania, JWTZ, limekanusha taarifa
zilizotapakaa kwenye mitandao
kuwa askari wa jeshi hilo
waliokwenda huko kwa ajili ya
kulinda amani,wameanza
kujihusisha na makahaba.
Kwa mujibu wa taarifa ya Kurugenzi
ya Habari na Uhusiano, Mtandao wa
www.congodrcnews.com umedai
wanajeshi wa Tanzania wameanza
kujihusisha na ubakaji wanawake
katika Mji wa Sake ulioko Goma.

Taarifa hizo zimeeleza kuwa askari
mmoja wa JWTZ alihitaji kujamiiana
na mwanamke mmoja(Kahaba) kwa
ujira wa Dola 50. Baada ya kumaliza
shida zake ambazo ilielezwa
alizifanya bila kinga yoyote,askari
huyo alikataa kumlipa ujira
wake,hali iliyoleta tafrani na
mwanamke huyo kupiga kelele.

“JWTZ linapenda kuwaeleza
wananchi kuwa taarifa hizo ni za
uongo mtupu wenye nia ya kulipaka
matope JWTZ na Tanzania kwa
ujumla. “Picha iliyotolewa kwenye
tovuti hiyo ya
www.congodrcnews.com ni ya
wanajeshi wa Tanzania walipokuwa
katika Operesheni ya huko Comoro
mwaka 2008.

Mtu anayeonekana kuwa chini ya
Ulinzi alikuwa ni mshiriki wa Kanali
Mohamed Bacar ambaye
aliondolewa madarakani.
“Vilevile picha hiyo ilitolewa vile vile
katika tovuti za www.apc.net.au/
news/stories ya Machi 26, 2008 na
ww.Seattletimes.com. na pia picha
hiyo ipo pia kwenye tovuti ya Jamii
Forum baada ya kufanya ‘link’
kutoka kwenye Mtando wa
www.google.com.”

Taarifa hiyo ilisema kuwa JWTZ
inapenda kueleza wananchi na
dunia kwa ujumla kwamba
wanaoneza taarifa hizo wana lengo
la kukatisha tamaa juhudi
zinazofanywa na nchi za Maziwa
Makuu na SADC kuleta amani nchini
DRC kwani JWTZ wako DRC kwa
mujibu wa taratibu za kiutendaji za
Umoja wa Mataifa.