NALIFUMBUA JICHO LANGU KUANGALIA SERIKALI YA AWAMU YA TANO

UCHUMI
Kufumbua macho inawezekana ikawa kazi ngumu sana kwa Binadamu aliefumba macho. Binafsi sio mwanauchumi maana sina sifa hata moja ya kuingia kwenye Bodi ya wana uchumi Ila nataka nifumbue macho kidogo ingawa ntaumia sana Kufumbua macho yangu tena kwa wakati huu ambao wengi tumeamua kufumba macho huku tukifikiria Jamii nzuri ya kufikirika iliyowahi kupita ambayo pia tulikua tunaiota.

Wakati wa Ari Mpya Nguvu mpya kasi mpya chini ya Jakaya mrisho kikwete ndio wakati kwa sasa unaozungumzwa kama wakati bora ambao kila Mtanzania aliefumba macho huku akiukumbuka huo wakati mzuri ambao binafsi baada ya kutumia nguvu Kufumbua macho yangu tena kwa kutumia wembe wenye makali niliona wakati tunaoukumbuka ulikua wakati wa mambo kama mawili au matatu ambayo yalitufanya tena tukumbuke wakati wa uwazi na uwajibikaji chini ya Benjamin mkapa.

Kuna mambo machache ambayo sitaki kuyazungumza juu ya wakati wa Mkapa ila acha nianze na haya mambo ya wakati ambao tunasema tunaukumbuka ule wakati ulikua na EPA, RICHMOND na TEGETA Escrow iliyosababisha Bodi ya maendeleo ya milenia (MCC) kusitisha msaada kiasi cha shilingi 992.8 bilioni.

Hebu tujikumbushe kidogo wakati Benjamin Mkapa anatoka madarakani aliacha deni la taifa kiasi cha shilingi 9.3 trilioni ila ilimchukua miaka kumi Jakaya mrisho kikwete mpaka anatoka madarakani aliacha deni la shilingi 30.6 trilioni.

Kiuchumi serikali ya awamu ya nne ilijiendesha kwa kuziba mashimo ya matatizo kwenye kila wizara zake ila mtaani pesa ilikua ya kutosha kiasi kwamba kile kiasi kilichokua kinapita bila utaratibu kilikua kinatufikia mpaka walalahoi wa chini kabisa na huu ndio wakati ambao sote tunaukumbuka maana tumefumba macho na kwetu ni ngumu kuyafumbua macho yetu.

Nyerere alitengeneza uchumi vizuri kabla ya vita ya Uganda ila baada ya vita nchi ilikua hoi nakumbuka alianzisha kauli ya tufunge mikanda kwa miezi kumi na nane (18) hali ilizidi kua mbaya kiasi kwamba akaongeza miaka mitatu zaidi mbele ila bado haikutosha.

Mwinyi deni lilimshinda ila Mkapa akajitahidi kulipa jambo ambalo alishindana sana na Nyerere kwa wakati ule ila bado mkapa akatoka na deni.

Macho yetu tumeyafumba kwakua tunataka tuwe na Pesa nyingi mfukoni ambazo zitakuja kwa njia zisizo halali,  rushwa, ufisadi na njia zote zisizojenga uchumi wa muda mrefu zaidi kumaliza matatizo kwa muda mchache.

Sina shaka na jinsi tunavyopenda raha ila kama roho ya kichina ingeingia moyoni mwetu uchumi wetu ukajengwa na sisi wenyewe kwa kufanya kazi kwa bidii ingesaidia sana kulikomboa hili taifa kiuchumi.

Matatizo ya Muda mrefu kwenye uchumi wa Tanzania yanaweza yakawa kwenye makundi mbalimbali ila kwa kipindi kirefu yamesababishwa na sisi wenyewe yaani mimi na wewe.

RUSHWA
Rushwa miongoni mwetu imekua kwa kiwango kikubwa leo hata huduma ambayo ni haki yako unatoa pesa kuipata. Kupitia rushwa na namna Nchi inavyokwenda sasa uhalisi ni kwamba mtoaji rushwa bado anatamani kutoa rushwa na mpokeaji anaogopa kupokea rushwa.

UFISADI
Macho bado yamefumba ndio maana bado tunaikumbuka awamu ya nne ya vijisenti na pesa ya mboga. Hivi pesa zote za ufisadi kama zingeingizwa kwenye miradi ya Maendeleo au zingejenga madawati leo nani angekaa chini. Kuna muda ule wakati wa CHADEMA wa kupinga ufisadi ulikua moja ya wakati wangu bora sana ila leo zile harakati zote za kupinga ufisadi zimegeuka na kua harakati za kukumbuka ufisadi kuna shida naipata hapa naipata kwenye kufikiri kwangu kama kweli kukomboa uchumi ni kukumbuka tawala zilizopita au kujenga uchumi na kutoa ushauri mzuri kwa utawala uliopo au tunasubiri na huu ukitoka tuseme bora utawala wa Magufuli.
Ufisadi umeliathiri taifa hili kwa kiwango kikubwa na umepelekea hata mawazo yetu yamejaa ufisadi badala ya uzalendo.

SERIKALI ILIVYOKUA INAJIENDESHA
Kwa kipindi kirefu watumishi wa uma walikua wanaendesha serikali kwa mazoea ilikua kwenye Halmashauri zetu ndio sehemu ya kukutana na kupiga soga. Halmashauri zetu zilikua zinaizinisha matumizi ya pesa yasiyo kua na uhalisia huku watumishi wa serikali wakijinufaisha, Hii inanifanya nikumbuke ile kauli ya Shamba la bibi, ni kweli tulikua Shamba la bibi na naona kwasababu tumefumba macho tunachokumbuka ni jinsi tulivyokua tunafaidika na Shamba la bibi.

WAFANYABIASHARA KUKWEPA KODI
Watanzania wengi hasa wafanyabiashara waliingia kwenye siasa ili iwasaidie wao urahisi wa kukwepa kodi. Sote inabidi tutambue hakuna mfanyabiashara anaependa hasara hata siku moja ili uhalisia wafanyabiashara wametukwamisha kwenye kodi kuliko kawaida kodi ambazo zingeenda kwenye maendeleo ya jamii. Ili Nchi ijiendeshe ni kosa wafanyabiashara wakatawala siasa na uchumi matokeo ya hili ni wao kukwepa kodi.
Leo tutaongea maneno yote ila uhalisia kuna muda tumefumba macho na hatutaki kujiuliza kwanini wafanyabiashara wanalalamika au tumesahau uozo wote uliokuwepo kati ya wafanyabiashara na wanasiasa kutuhujumu leo ni kampuni ngapi zilitangaza kufilisika au haya yote hatukuyaona.

Binafsi napingana na kauli za kivivu za kukumbuka utawala wa awamu ya nne Kwamba ulikua una nafuu ila kama njia tunazozichukua kwa sasa kuboresha uchumi ni nzuri basi tukazie hapo hapo na sio tuongee kwa sababu tumeamua kufumba macho hivi deni la Taifa aliloacha Jakaya kikwete hatukuliona au tumesahau kutoka 9.3 trilioni mpaka 30.6 trilioni.

Mawazo yakukumbuka utawala wa awamu ya nne binafsi nayaita mawazo ya kifisadi maana ndio wakati uliokua na ufisadi wa kutosha kwa kila kada za serikali, Halmashauri nyingi zilifuja pesa wanasiasa walipiga dili za kutosha binafsi nimeshindwa kufungamana na safari ya awamu ya nne kama ya kuikumbuka ila nataka nifumbue macho kwa hii safari ya tano.
Ila nataka Rais Magufuli afanye haya mambo kadhaa.

KUPAMBANA NA UFISADI
Magufuli endelea kupambana na mafisadi maana imani yangu inaniambia kama utaendelea kupambana na mafisadi utasaidia kutuondolea wafanyabiashara wanasiasa ambao wanaingia kwenye siasa ili wakwepe kodi, lakini pia utakua umetusaidia vijana kwa wakati ujao zile mbinu za kutoa rushwa kwa wanasiasa ili kupata uongozi zitakua zimepungua na nafasi za kisiasa zitapata watu makini ambao katika kila kura za maoni za vyama vyetu hua wanakosa nafasi kwa kushindwa kushindana na wanasiasa wafanyabiashara ambao wanaenda kufanya biashara bungeni kuliko kutakua shida za wananchi.

KUENDELEA KUKUSANYA KODI
Nataka serikali iendelee kukusanya kodi kwa kasi zaidi lakini pia serikali iangalie ni kodi zipi ambazo zinapotea au kuna biashara zipi ambazo hazijarasimishwa ili nazo zirasimishwe ili serikali isipoteze tena kodi. Lakini pia serikali iangalie ule mchezo wa kampuni za uwekezaji ambazo hua zinabadili majina kila inapofikia hatua ya wao kuanza kulipa kodi.

SERIKALI KUWA NA VIPAUMBELE
Tumeshuhudia serikali kwa kipindi kirefu imekua ikijiendesha kwa kuziba mashimo na kukosa vipaumbele vya kitaifa ni muda sasa serikali iwe na vipaumbele ili kusaidia kupunguza ya malalamiko ya kila mwaka ya watanzania. Mfano serikali iweke mkazo kwa sekta zinazosaidia kwenye bajeti zetu ili Nchi iweze kujiendesha kwa kuangalia njia za kurekebisha sekta hiyo ili izidi kuzalisha zaidi na kusaidia uchumi wetu mfano serikali kwa sasa inabidi kuangalia kama mizigo imepungua bandarini ni kipi inapaswa kufanya lakini pia kuna sekta kama kilimo kwa kiwango kikubwa kama Nchi itaenda kuchagua zao la kitaifa basi ni rahisi sana zao likasaidia kwenye uchumi wetu ili uzidi kukua zaidi kufikia uchumi wa kati.

NCHI KUCHAGUA WAWEKEZAJI
Huu ni Muda pia wa taifa kuchagua wawekezaji wenye tija kwa kuangalia wawekezaji wanaotoka kwenye Nchi ambazo zinaendana na aina ya utawala wewe unaoutaka au wawekezaji watakaoendana na mipango au mikakati tuliyojiwekea kuelekea Tanzania ya viwanda.

Macho yangu yamefunguka ila nimetumia wembe mkali kuyafumbua ila damu nyingi ilinitoka nilipofumbua macho yangu na Damu yangu iliyomwagika itapinga milele ufisadi, ukwepaji kodi na rushwa kubwa iliyokua imekithiri machoni mwetu.

ZIMEBAKI WIKI TATU MBOWE ATIMULIWE BILICANAS

ZIMEBAKI wiki tatu kabla Shirika la Nyumba la Taifa (NHC) kuchukua jengo la Bilicanas lililokodiwa na Mwenyekiti wa Chama cha Demokrasia na Maendeleo (Chadema), Freeman Mbowe, kuendesha biashara ya ukumbi wa starehe, ilielezwa jijini jana.

Jengo hilo lipo eneo la Posta jijini Dar es Salaam.

Awali, NHC ilikuwa imetoa notisi ya siku 60 kwa wadaiwa sugu ambao wamepanga katika majengo yake akiwamo Mbowe.

Akizungumza na waandishi wa habari jana, Mkurugenzi Mkuu wa NHC, Nehemia Mchechu, alisema pamoja na Bilicanas, shirika linazidai taasisi za umma, binafsi nawatu binafsi jumla ya Sh. bilioni 15.

Notisi ya siku 60 ya kuondoka Bilicanas pamoja na majengo ya wadaiwa wengine ilishatolewa, Mchechu alisema na kwamba sasa zimesalia wiki tatu.

Alisema baada ya muda huo kumalizika, utekelezaji wa kuondolewa katika majengo hayo utaanza ukiambatana na uchukuaji wa hatua za kisheria.

Mchechu alisema mbali ya Bilicanas, wadaiwa wengine ni Wizara ya Mawasiliano na Uchukuzi inayodaiwa Sh. bilioni mbili, Benki ya Azania (Sh. milioni 161) na Wizara ya Mambo ya Nje, Ushirikiano wa Afrika Mashariki, Kikanda na Kimataifa (Sh. milioni 631).

Wadaiwa wengine walitajwa kuwa ni Wizara ya Afya na Maendeleo ya Jamii, Jinsia, Wazee na Watoto (Sh. bilioni 1.3), Wizara ya Ujenzi, Uchukuzi na Mawasiliano (Sh. bilionimbili), Tume ya Utumishi (Sh. milioni 109) na Wizara ya Habari, Utamaduni, Sanaa na Michezo Sh. bilioni moja.

Mchechu alisema ukusanyaji wa madeni hayo kwa nguvu ni mkakati wa shirika hilo kukusanya fedha ili kusaidia ujenzi wa nyumba za watumishi wanaohamia Dodoma.

Alipoulizwa iwapo mkakati huo una uhusiano wowote na masuala ya kisiasa kutokana na kumtaja Mbowe kuwa ni kati ya wadaiwa sugu, Mchechu alisisitiza hakuna uhusiano wa siasa na zoezi hilo kwani wateja wote wanachukuliwa sawa."Mwaka huu ujenzi unaanza Dodoma," alisema Mchechu, hivyo fedha tunazodai zitatusaidia kukamilisha uwekezaji mjini humo."

"Ndiyo maana tumetoa kwa tunaowadai notisi ya miezi miwili, vinginevyo wataondolewa katika majengo ya shirika kama kanuni zinavyotaka.

"Hakuna uhusiano wowote kati ya shirika kukusanya fedha linazodai na watu binafsi akiwamo Mbowe, taasisi za umma na binafsi.

"Lengo ni kukusanya madeni ambayo baadhi yake yalisimama kutokana na mengine kuwa na kesi mahakamani."

Alisema kuwa fedha hizo zitatumika kwa ujenzi wa nyumba za watumishi 300 hadi 500 mkoani Dodoma.

Alisema ujenzi huo unatarajia kuanza mara moja na utachukua miezi 12.Kwa mujibu wa Mchechu, Sh. bilioni60 za ujenzi wa nyumba hizo zitatokana na fedha za ndani.

Alisema shirika hilo limenunua ekari 240 eneo la Iyumbu, ekari saba Chamwino, nne Bahi na Chemba ekari nne pia ikiwa ni kuunga mkono azma ya Serikali ya Awamu ya Tano kuhamia Dodoma.

Alisema fedha nyingine zitapatikana baada ya nyumba 97 za shirika hilo zilizopo Medeli mjini Dodoma kuuzwa.

Aidha, Mchechu alisema kitendo cha Serikali kuhamia Dodoma kitatoa fursa kwa Jiji la Dar es Salaam kujiimarisha kibiashara tofauti na ilivyo sasa ambapo linakwamishwa na foleni kubwa za magari kutokana na shughuli nyingi za serikali kufanyika.

"Dar es Salaam kuna bandari, uwanja wa ndege," alisema na kuongeza: "Hivyo suala la kiuchumi litaimarika zaidi kutokana na shughuli nyingi za Serikali kuhamia Dodoma. Hii itasaidia uchumi wa nchi kusambaa katika maeneo tofauti nchini."

Uwekezaji wa NHC jijini Dar es Salaam upo kwa asilimia 70, alisema na kwamba ufanisi wa Jiji utaongezeka hususani katika usafiri na sekta nyingine kiuchumi.

Chanzo: Nipashe

KITWANGA APONDA NDEGE ZA ATCL

ALIYEKUWA Waziri wa Mambo ya Ndani, Charles Kitwanga, jana aliponda aina ya ndege mpya zilizonunuliwa na serikali kutoka Canada kwa ajili ya kufufua Shirikala Ndege Tanzania (ATCL).

Kitwanga alisema ndege hizo si tu hazina mwendo, lakini pia ilikuwa niajabu kununuliwa kwa fedha taslim wakati duniani kote ndege hununuliwa kwa kulipa kidogo kidogo wakati mteja akiendelea kuzitumia.

Serikali imelipa kwa Bombardier Aerospace fedha za ndege mbili za Q400 zinazotumia injini za pangaboi; zenye uwezo wa kubeba abiria 70.

Kitwanga ambaye ni Mbunge wa Misungwi (CCM), alieleza kushangazwa na kitendo cha Serikali kununua ndege hizo ambazo amesema zinatoka kwenye kampuni ndogo ya mtu binafsi, na kuhoji ubora wake.

BWANA HARUSI AFARIKI KWA KUUMWA NA SIAFU

WAKAZI  wa Kijiji  cha  Nditu,  Kata  ya Suma, Wilaya ya Rungwe  mkoani Mbeya, wamegoma  kuzika mwili wa marehemu Shabani  Yusufu (27),  baada kushambuliwa na kundi la siafu nyumbani kwake  na kusababisha apoteze uhai.

Yusufu, amefariki dunia ikiwa ni siku moja tu baada ya kufunga ndoa na kuzua gumzo kubwa kijijini hapo.

Alikutwa na mauti hayo akiwa amejipumzisha ndani usiku wa kuamkia jana, jambo ambalo linahusishwa na imani za kishirikina.

Akisimulia mkasa huo, baba mzazi wa marehemu, Ebron Mwaipaja, alisema mwanawe  alitoka kufunga ndoa  juzi na alikutwa na mauti hayo akiwa amejipumzisha chini ya mti nyumbani kwake, ambako ghafla alivamiwa na siafu.

Alisema kulikuwa na maneno ya hapa na pale wakati wa maandalizi ya harusi hiyo kutoka kwa baadhi ya watu, ambayo yamesababisha tukio hilo kuhusishwa na imani za kishirikina.

Baba huyo alisema baada ya tukio hilo, wananchi na uongozi wa Serikali ya kijiji walifika eneo hilo, huku wakimtaja mmoja wa wanakijiji kuwa ndiye “aliyetuma” siafu hao.

“Wananchi waligoma kuandaa taratibu za mazishi wakishinikiza aletwe mganga wa jadi apige ramli ili kumbaini mtu anayeendesha matukio ya ushirikina yanayoendelea kijijini hapa,” alisema.

Alisema baada ya wananchi kugoma kuzika, Serikali ya kijiji nayo iligoma kutoa kibali, ikisema siku zote Serikali haiamini uchawi, jambo ambalo lilisababisha wananchi waliokujwa na silaha za jadi, kufanya maandamano na kufunga barabara.

Baada ya hali ya usalama kuzidi kuwa mbaya, polisi walifika eneo la tukio na kutuliza ghasia, huku familia ikifanya maandlizi ya maziko bila wanakijiji kuhusika.

“Kijana wangu ndiyo kwanza alitoka kufunga ndoa akifurahia maisha ya kuwa na mke, amekutwa na umauti tena kwa kuvamiwa na siafu wakati kijiji hiki hakijawahi kuwa na wadudu hawa, yote namwachia Mungu,” alisema Mwaipaja.

Akizungumza kwa niaba ya wananchi wenzake, Joseph Kajura, alisema wanafahamu fika tukio hilo ni la kishirikina na ndiyo maana walimtafuta mganga wa kienyeji ili apige ramli kwa ajili ya kubaini mhusika.

Source: MTANZANIA

MWALIMU KORTINI KWA KUMLAWITI MWANAFUNZI

Makamu Mkuu wa Shule ya Sekondari Usevya wilayani ya Mlele, Makonda Ng-onga amefikishwa kizimbani katika Mahakama ya Wilaya ya Mpanda kujibu tuhuma za kumlawiti mwanafunzi wake anayesoma kidato cha tano.

Mtuhumiwa  alifikishwa kizimbani hapo juzi na kusomewa mashtaka hayo na mwanasheria wa Serikali, Gregory Mhangwa mbele ya Hakimu Mkazi Mfawidhi, Chiganga  Ntengwa.

Mhangwa alidai mahakamani hapo kuwa mshtakiwa alitenda kosa hilo kwa nyakati tofauti katika kipindi cha Novemba  mwaka jana hadi Aprili mwaka huu katika maeneo ya shule hiyo.

Alidai mtuhumiwa alitenda kosa  hilo kwa kutumia nafasi yake ya mkuu wa shule msaidizi, jambo ambalo ni kosa kinyume na kifungu  cha  sheria Na. 154 kifungu kidogo sura ya 16 ya sheria iliyofanyiwa marekebisho mwaka 2002.

Mwalimu huyo anadaiwa kutenda  kosa hilo baada ya kuwa mwanafunzi anapokuwa  amefanya kosa shuleni hapo, humlazimisha kumwingilia kinyume cha maumbile kama adhabu, na endapo  mwanafunzi   atakataa amekuwa akimtishia kumfukuza shule .
Mwalimu huyo ambaye alikana mashtaka hayo, yupo nje kwa dhamana baada ya kutimiza masharti yaliyomtaka kulipa Sh 3milioni mahakamani.

Hakimu  Chiganga aliharisha  kesi  hiyo  hadi Juni 27, mwaka huu itakapotajwa tena.

WATUPWA JELA KWA WIZI WA MAFUTA YA TAA

Mahakama ya Wilaya ya Ilala leo imewahukumu watu watatu kwenda jela miaka mitatu baada ya kuwakuta na hatia ya wizi wa mafuta ya kupikia ndoo 900 yenye thamani ya Sh80m, mali ya mfanyabiashara Benard Kimoso.

Waliohukumiwa ni Habibu Aboubakar (46), Yahaya Salum(29) na James Limelia (30) ambao wanadaiwa kuiba ndoo ndogo 150 na ndoo kubwa 750 za mafuta ya kupikia aina ya Safi ambayo walikuwa wanayasafirisha kutoka Dar es Salaam kwenda Arusha.

Pia mahakama hiyo imemwachia huru Makame Chande (54) baada ya upande wa mashtaka kushindwa kuthibitisha tuhuma dhidi yake.

Akisoma hukumu hiyo, Hakimu Mkazi Mwandamizi Juma Hassan amesema ameridhishwa na ushahidi wa mashahidi watatu waliotoa mahakamani hapo dhidi ya washtakiwa hao.

“Nimeridhika na upande wa mashitaka pasi na kuacha shaka yoyote na ushahidi uliotolewa mahakamani hapa hivyo nawatia hatiani kwa makosa yote mawili likiwemo la kula njama na kuiba,’’ amesema.

Kabla ya kutoa adhabu hiyo, wakili wa Serikali, Florida Wenceslaus aliomba mahakama itoe adhabu stahiki dhidi yao ili liwe fundisho kwa wengine wenye tabia kama hiyo.

Hata hivyo, mshitakiwa wa kwanza Aboubakar aliomba mahakama impunguzie adhabu kwamba ana wadogo zake 27 wanamtegemea, wajane wanne, wake wawili, watoto pia alivunjika mkono na anasumbuliwa na presha.

Mshitakiwa wa pili aliomba apunguziwe adhabu kwa sababu ni mgonjwa huku mshtakiwa wa tatu akiomba apunguziwe adhabu kwa sababu amefiwa na mtoto wake, mke wake ni mgonjwa na yeye anasumbuliwa na presha.

Hakimu Hassan alisema katika kosa la kula njama anawahukumu miaka miwili na wizi wa mafuta ya kupikia  miaka mitatu ambapo adhabu hiyo itakwenda kwa pamoja hivyo watatumikia kifungo cha miaka mitatu jela.

Akisoma hati ya mashtaka, wakili Wenceslaus alidai washitakiwa walitenda kosa hilo Juni 21, mwaka 2014 eneo la Tabata, wilayani Ilala.

Ilidaiwa washitakiwa kwa pamoja waliiba mafuta ya kupikia ambayo yalikuwa yanasafirishwa kutoka Dar es Salaam kwenda Arusha.

Chanzo: Mwananchi

WATU WATATU WAKAMATWA USAFIRISHAJI HARAMU WA BINADAMU

Watanzania watatu wanashikiliwa na jeshi la polisi Mkoani Tanga wakituhumiwa kuendesha biashara ya kuwasafirisha kwa kutumia gari aina ya hiace wahamiaji haramu 10 kutoka nchini Ethiopia.

Kamanda wa Polisi Mkoani Tanga ,Leonard Paulo amesema leo kuwa watanzania hao pamoja nawahabeshi wamekamatwa jana saa 2.30 usiku katika eneo la Misajini barabara kuu ya Hedaru- Mombo.

Amesema kuwa wahamiaji hao walimatwa wakati askari wakiwa doria waliokuwa wakisafirishwa kwenye gari aina Toyota Hiace iliyokuwa ikiendeshwa na Ally Juma (24) mkazi wa Dar es Salaam wakiingia mkoani hapa.

Amewataja watanzania wengine wawili ambao wamekamatwa wakituhumiwa kuwakisafirisha wahamiaji haramu hao kuwa ni Joseph John (42) mkazi wa Mkoa wa Dar es Salaam na Iddi Juma(38) mkazi wa mkoani Iringa.

Ametaja majina ya Wahabeshi waliokuwa wakisafirishwa kuwa ni
Tarfa Wolder (21),Aramei Yonas (21),Gazae Edson(20),Yohanes Abakar (27),Anemo Tamire (16),Indira Yaiso(18),Wasifimu Paresa (15),Dedacho Gadam (20),Tamelata Abala (17) na Mlatu Shugute (32).

RAIS NKURUNZINZA AMTUMIA RAIS DK. MAGUFULI UJUMBE

Rais wa Burundi, Pierre Nkurunziza amemuomba Rais John Magufuli kuwasihi wananchi wake waliokimbia nchini humo, kurejea akimhakikishia kuwa hali ni shwari.

Baadhi ya Warundi waliikimbia nchi hiyo wakihofia maisha yao kutokana na vurugu za kisiasa zilizotokea wakati wa uchaguzi mkuu baada ya kupinga kiongozi huyo kugombea tena.

Katika ujumbe uliowasilishwa Ikulu, jana na Mnadhimu wa Jeshi la Burundi, Meja Jenerali Evariste Ndayishimiye ambaye ni mjumbe maalumu wa Rais Nkurunziza, kiongozi huyo alimuomba Rais Magufuli ambaye ni Mwenyekiti wa Jumuiya ya Afrika Mashariki (EAC), kuwasihi wananchi wa Burundi waliokimbia nchi yao warejee nyumbani.

Meja Jenerali Ndayishimiye alimueleza Rais Magufuli kwamba ametumwa kuleta barua hiyo pamoja na shukrani za dhati kwa Tanzania ambayo ni rafiki, jirani na ndugu wa kweli wa Burundi kwa ushirikiano mzuri inaoupata.

Dk Magufuli alimshukuru Rais Nkurunziza kwa ujumbe huo na kumhakikishia kuwa Tanzania itaendelea kuwa rafiki na ndugu wa dhati wa Burundi.

Kuhusu hali ya Burundi, Rais Magufuli alisema anaamini kuwa wasuluhishi mgogoro wa nchi hiyo; Rais Yoweri Museveni wa Uganda na Rais mstaafu wa Awamu ya Tatu, Benjamin Mkapa watafanikiwa kuusuluhisha.

Chanzo:Mwananchi

RAIS MAGUFULI AWATUNIKU KAMISHENI MAAFISA 205

RAIS, Dk .John Magufuli leo amewatunuku Kamisheni kwa Cheo cha Luteni Usu, Maafisa Wanafunzi Wapya 205 pamoja na kutoa Nishanikwa Maafisa watano waliofanya vizuri kwenye masomo yao.

Rais alitoa Kamisheni hiyo kwa Cheocha Luteni Usu leo, katika Chuo cha Mafunzo ya Kijeshi Monduli (TMA) ikiwa ni mara yake ya kwanza tangu akiwa Rais.

Miongoni mwa Maafisa hao wapya watano waliotunukiwa nishani zao niwanawake wawili ambao ni Efrasia Bundala kutoka Tanzania na Winnie Indumuli kutoka nchini (Kenya) huku wanaume wakiwa watatu ambao ni Phinias Kiganga aliyefanya vyema darasani.

Wengine ni Frank Kitalekwa aliyefanya vyema upande wa medani na Ahmed Mmang'anda aliyefanya vyema darasani.

Baada ya kuwavisha nishani askari hao watano ambao ni miongoni mwa maafisa wapya 205, Rais Magufuli aliwatunuku Kamisheni kwa cheo cha Luteni Usu maafisa hao wapya ambao miongoni mwao wanawake ni 16 na wanaume wakiwa 189.

Aidha miongoni mwa wahitimu hao wawili wanatoka nchini Burundi, 4 nchini Kenya na 4 wanatoka nchini Uganda ambao ni nchi marafiki.

Mara baada ya kutoa kamisheni kwa maafisa hao, Rais Magufuli alipata burudani kutoka kwa Kikundi cha Jeshi la Kujenga Taifa(JKT) Oljoro ambao walipokuwa wakiimba walimpongeza Rais Magufuli kwa utendaji wake wa kazi na kumuomba kusafisha wabadhirifu wote wakwepa kodi pia asafishe taasisi mbalimbali ili Tanzania iwe safi.

Nayo bendi ya Jeshi la Watanzania(JWTZ) iitwayo Chacharika Bendi ilikonga nyoyo za wananchi waliofurika kushuhudia ndugu zao waliotunukiwa Kamishenizao huku wakimpongeza kwa utoaji wa elimu bure.

Pia alipiga picha na maafisa hao wapya, viongozi mbalimbali.

Awali akiingia uwanjani kwa ajili ya ukaguzi wa gwaride Rais Magufuli alishangiliwa na wananchi mbalimbali waliohudhuria sherehe hiyo lakini pia viongozi wa serikali pamoja na wageni waalikwa waliohudhuria katika sherehe hiyo.

ZAIDI YA WATU 1500 WAJITANGAZA KUWA MASHOGA IRINGA

Kukithiri kwa biashara haramu ya ngono pamoja na tabia ya ushoga mkoani Iringa kunadaiwa kusababishwa na baadhi ya vijana wa vyuo vikuu wanafika mkoani humo kwa ajili ya masomo ya elimuya juu, huku miongoni mwao wakitaka starehe zilizo nje ya uwezo wao.

Tamaa ya kumiliki vitu vya thamani – ni miongoni mwa mambo yanayotajwa kuwahadaa baadhi ya wasomi hao wa vyuo vikuu, jambo linalosababisha wengi wao kuangukia katika wimbi la biashara ya ngono na ushoga na kuufanya ongezeko la maambukzi ya vvu.

Kwa mkoa wa iringa inadaiwa kuwa zaidi ya mashoga 1500 wamejitangaza wenyewe kuendesha biashara haramu ya ngono, jambo ambalo kiafya linadaiwa kuwa ni hatari kwa maambukizi ya virus vya ukimwi.

Baadhi ya wanafunzi wa vyuo vikuu mkoani iringa ndiyo wanaonyooshewa kidole kuhusika na biashara hiyo ya ngono na tabia ya ushoga- ambapo shirika la restless development linalojihusisha na masuala ya afya ya uzazi na makuzi kwa vijana- kupitia mradi wa dance for life- limewakutanisha viongozi hawa wa serikali ya wanafunziwa vyuo vikuu mkoani iringa- ili kujadili namna ya kujinasua katika wimbi hilo laushoga na biashara haramu ya ngono.

Serikali inaona tatizo hilo la ushoga na biashara ya ngono litamalizwa na jamii yenyewe, endapo tu wazazi na walezi watakemea mapema mienendo hatarishi ya vijana wao.

Ushoga ni tabia inayofanywa na baadhi ya wanaume, kwa kujihusisha kimapenzi na wanaume wenzao, suala ambalo kwa kiwango kikubwa linatajwa kuchochewa na mambo ya utandawazi, ambao unaibua mitindo mbalimbali na tabia mpya kila uchwao.

STARS KUINGIA KAMBINI KUJIFUA KUWASUBIRI NIGERIA

Kocha Mkuu wa timu ya Taifa ya Tanzania (Taifa Stars), Charles Boniface Mkwasa leo ametangaza kikosi cha wachezaji 29 watakaoingia kambini siku ya Jumapili tarehe 9, Agosti 2015 katika hoteli ya Tansoma iliyopo eneo la Gerezani kwa ajili ya kambi ya wiki moja ya mazoezi.

Katika kikosi hicho alichokitangaza cha wachezaji 29,Mkwasa amewajumuisha wachezaji watano wanaocheza soka la kulipwa nje ya nchi (Proffesional), ambao baadae watajumuika kwa kambi ya kujiandaa kucheza na Nigeria mwezi Septemba 2015 nchini Uturuki.Taifa Stars inatarajiwa kuweka kambi ya siku kumi jijini Istambul - Uturuki, ambapo itacheza michezo miwili ya kirafiki na timu za Taifa za Libya na Kuwait kabla ya kurejea nchini kuwavaa Nigeria.

Wachezaji watakaongia kambini jumapili ni magolikipa, Ally Mustafa (Yanga SC) na Aishi Manula (Azam FC), walinzi wa pembeni: Shomari Kapombe (Azam FC), Michael Aidan (Ruvu Shooting), Juma Abdul, Mwinyi Haji (Yanga SC) na Abdi Banda (Simba SC).

Walinzi wa kati; Hassan Isihaka (Simba SC), Nadir Haroub, KelvinYondani (Yanga SC), Viungo wakabaji: Himid Mao, Frank Domayo, Mudathir Yahya (Azam FC), Viungo washambuliaji ni Salum Telela (Yanga SC) na Said Ndemla (Simba SC).

Washambuliaji wa pembeni; Orgenes Mollel (Aspire – Senegal), Abdrahman Mbambi (Mafunzo), Deus Kaseke, Saimon Msuva (Yanga SC), Ramdhani Singano, Farid Musa (Azam FC), huku washambuliaji wa kati wakiwa ni John Bocco, Ame Ally (Azam FC) na Rashid Mandawa (Mwadui FC).

Wachezaji wa kimataifa waliojumuishwa katika kikosi hicho ambacho Agosti 23 kitaelekea kambini nchini Uturuki kwa kambi ya siku kumi ni Mbwana Samata, Thomas Ulimwengu (TP Mazembe – DR Congo), Mrisho Ngasa (Free State- Afrika Kusini) na Hassan Sembi (Santos FC – Afrika Kusini) na AdiYussuf (Mansfield Town – Uingereza)

AJALI YA BUS NA TRENI YAUWA WATU WANNE

Watu wanne wamefariki papo hapo na wengine zaidi ya arobaini kujeruhiwa baada ya Treini ya mizigo,kuligonga basi kampuni ya Don't Worry lililokuwa likitokea mjini Tabora kuelekea ufuruma uyui mkoani humo lilipofika eneo la kuvuko cha reli eneo loa malolo manispaa ya Tabora katika kile kilichodaiwa kuwa ni uzembe wa dereva.

Mashuhuda wa ajali hiyo wamesema kuwa, dereva aliyekuwa katika mwendo wa kasi alitaka kukatiza haraka bila kuzingatia eneo hilo inapopita Treini hata kama aliiona Treini hiyo, na ndipo alipokata kona ya ghafla na basi hilo kuanguka kwenye reli na Treini kuigonga na kukutoa paa lote la juu la gari.

Aidha kaimu kamanda wa polisi mkoani Tabora kamishina msaidizi Juma Bwire amesema kuwa katika ajali hiyo ya basi lenye namba za usajili T568 ABP,wanaume watatu na mwanamke mmoja wamepoteza maisha huku dereva aliyejulikana kwa jina la Kaonjo Iddy (34) akitoroka baada ya kusababisha ajali hiyo ambapo majeruhu wamepelekwa katika hospitali ya rufaa na mkoa wa Tabora.

Viongozi wa shirika la reli waliofika katika eneo la ajali hiyo wamesema kuwa madereva hawazingatii usalama wa barabarani kwani shirika la reli limejitahidi kuhakikisha linaweka alama husika lakini kutokana na mazoea mabaya hawajali na matokeo ni kusababisha ajali mbaya kama hiyo.

BULAYA AIKACHA CCM

Hali imeendelea kuwa tete ndani ya Chama Cha Mapinduzi (CCM), baada ya aliyekuwa Mbunge wa Viti Maalum CCM mkoa wa Mara, Ester Bulaya, kutangaza kukitosa kwa kutangaza uamuzi wake wa kutogombea ubunge kwa tiketi ya chama hicho.

Bulaya ambaye alikuwa mbunge machachari kabla ya Bunge la Jamhuri ya Muungano wa Tanzania kuvunjwa na Rais Jakaya Kikwete, hivi karibuni , ametangaza kutogombea ubunge kupitia CCM wakati akizungumza na NIPASHE baada ya kazi ya kuchukua fomu ndani ya chama hicho na kurejesha kuhitimishwa rasmi nchini jana.

Tangu mwanzo mwa mwaka huu, Bulaya alitangaza kugombea ubungekatika Jimbo la Bunda kupambana na Mbunge aliyemaliza muda wake ambaye ni Waziri wa Kilimo, Chakula na Ushirika, Stephen Wasira.

Bulaya amekuwa kada wa pili ambaye alikuwa mbunge kutangaza kutogombea ubunge kwa tiketi ya CCM, mbunge wa kwanza kutangaza kutogombea ubunge kupitia CCM baada ya James Lembeli, ambaye alikuwa Mbunge wa Kahama.

Hata hivyo, Bulaya hakuweka wazi kama ana mpango wa kuhamia chama kingine cha siasa na kutimizaazma yake ya kuwania ubunge katika uchaguzi mkuu wa mwaka huu.

Ingawa Bulaya hajaweka wazi, vyama ambavyo vimekuwa vikitajwakusubiri makada kutoka CCM kujiunga navyo ili wawanie ubunge ni Chama cha Demokrasia na Maendeleo (Chadema), ACT-Wazalendo na Chama cha Wananchi (Cuf).

M/KITI MONDULI APIGILIA MSUMARI
Wakati ikiwa hivyo kwa Bulaya, hali bado si shwari ndani ya CCM Wilaya ya Monduli baada ya aliyekuwa Mwenyekiti wa Halmashauri ya Monduli, Edward Sapunyo, Kupigilia msumari wa mwisho na kubariki hatua ya madiwani wake 20 kukihama chama hicho na kujiunga na Chama Cha Demokrasia na Maendeleo (Chadema).

Akizungumza mjini hapa jana, Sapunyo ambaye alikuwa Diwani wakata ya Moita, alisema madiwani wake hawawezi kusubiri hadi Mbunge wa Jimbo la Monduli na Waziri Mkuu wa zamani, Edward Lowassa, atoe kauli kuhusu hatma yake ya kisiasa ndani ya CCM.

Kauli ya Sapunyo ambaye hatagombea udiwani uchaguzi wa mwaka huu, imekuja siku moja baada ya madiwani 20 wa jimbo hilo kutangaza rasmi kukihama chama hicho na kujiunga na Chama cha Demokrasia na Maendeleo (Chadema).

"Hatuwezi kuona baba yetu anapigwa na kuanguka chini halafu tusubiri kauli yake, ni lazima tuchukue hatua mara moja…hii haivumiliki, kitendo alichofanyiwa (Lowassa) na vikao vya CCM mjini Dodoma hivi karibuni kwa kukata jina lake pasipo kumpa haki ya kumsikiliza siyo cha kidemokrasia," alisema.

Lowassa na makada wenzake wa CCM 38 walichukua fomu ya kuomba ridhaa ya kuteuliwa na chama hicho kupeperusha bendera ya kuwania kiti cha urais katika uchaguzi mkuu unaotarajiwa kufanyika Oktoba 25, mwaka huu.

Katika kinyanyang'anyiro hicho, jina la Lowassa na wenzake yalikatwa katika hatua ya mwanzo, hali ambayo imezua malalamiko kwamba ikidaiwa kuwa hawakupewanafasi ya kuhojiwa.

"Tumepigwa, tumesambaratika (CCM) Monduli, hatuwezi kuchukua fomu za kuomba kugombea au kutetea nafasi zetu ndani ya chama hiki, tumehamia Chadema," alisema.

Akizungumzia hali ilivyo, Katibu wa CCM Wilaya ya Monduli, Elisante Kimaro, alidai kuwa siyo kweli kwamba madiwani wote wamekihama chama chao.

Kimaro alidai kuwa baadhi ya madiwani waliotangaza kukihama chama hicho wameanza kusalitiana.

Alisema madiwani hao ambao anawaita ni makada baada ya Barazala Madiwani la Halmashauri ya Monduli kuvunjwa, walifanya mkutano kwa kushawishiwa na mmoja wao.

Alisema ushawishi huo unatokana na uchu wa madaraka alionao kwa kuwa tayari wananchi wa Jimbo la Monduli, wanapenda aliyekuwa Mbunge wa Viti Maalum CCM, Namelok Sokoine, kuchukua fomu za ubunge wa jimbo hilo.

Alisema kutokana na ugumu huo, diwani huyo wa zamani ametumia mbinu ya kuwarubuni wenzake wakihame chama hicho ili agombea ubunge kwa tiketi ya Chadema.

"Huo ni uchu wa madaraka aliyo nayo," alisema na kuongeza: "Diwani huyo hakubaliki na wananchi wa kata yake."Alidai kabla ya kutangaza kukihakama chama hicho, madiwanihao walikuwa wameshafanya kikao na kuweka azimio la pamoja la kuondoka CCM, lakini juzi walipotangaza uamuzi wao, walijikuta wapo madiwani watatu.

Alisema baadhi ya madiwani walimfuata ofisini kwa lengo la kumuomba radhi lakini yeye aliwaambia waende kuwaomba radhi wananchi katika kata zao.

"Madiwani wachache walikuja hapa ofisini kuomba radhi kwa Katibu wa CCM Wilaya, nikawaambia waende kuwaomba radhi wananchi," alisema.

Akimzungumzia Lowassa, alisema anachoelewa ni kwamba hajatoa tamko lolote kama anakihama chama hicho kama inavyodaiwa na baadhi ya watu na mitandao ya kijamii.

"Bado tuna imani na Lowassa kuwa ni CCM, mpaka sasa hajatoa tamko lolote kukihama chama, lakini ikiwa vinginevyo itakuwa hatari kubwa," alisema.

Imeandikwa na Thobias Mwanakatwe, Salome Kitomari, Dar, George Marato, Musoma na John Ngunge, Arusha.

CHANZO: NIPASHE

PINDA AUTOSA UBUNGE

Waziri Mkuu, Mizengo Pinda, amekataa ombi la wakazi wa jimbo lake la uchaguzi la Katavi la kumtaka agombee tena ubunge katika jimbo hilo ili kuendeleza mipango ya maendeleo aliyoianzisha.

Taarifa iliyotolewa jana kwa vyombovya habari ilimnukuu Pinda akijibu maombi ya wakazi hao baada ya Ibada ya Jumapili iliyofanyika katika Kigango cha Kanisa Katoliki cha Kibaoni Wilaya ya Mlele mkoani Katavi.

Pinda alisema anamshukuru Mungu kwa nafasi aliyopewa ya kulitumikia Taifa akiwa Waziri Mkuu kwa miaka minane na anaamini wakati umefikawa yeye kuwaachia wengine nafasi ya ubunge wa Jimbo la Katavi.

Alisema ataendelea kuwa karibu na wakazi wa jimbo hilo wakati wote nakwa vile atakuwa na muda wa kutosha kushiriki kikamilifu katika mikakati ya kuwaletea maendeleo ili wajikwamue kutoka kwenye umaskini.

Kwa upande mwingine, Pinda aliwaasa wakazi wa jimbo hilo wawemakini kuchagua mbunge na madiwani na kamwe watoa rushwa na wabadhirifu wasipewe nafasi katika uchaguzi ujao utakaofanyika Oktoba 25, mwaka huu.

Akimshukuru Waziri Mkuu, Paroko wa Parokia ya Usevya wilayani humo, Padri Aloyce Nchimbi, aliwaasa wakazi wa Mlele kumuenzi Pinda hata atakapokuwa amestaafu kwani bado watahitaji busara na uzoefu wake katika kujiletea maendeleo.

Pinda yuko kijijini kwake Kibaoni ajili ya mapumziko mafupi na alitoa msimamo wake huo jana ikiwa ni siku ya mwisho kwa Chama Cha Mapinduzi (CCM) kutoa na kupokea fomu kwa makada wake wanaoomba wateuliwe kugombea ubunge na udiwani katika uchaguzi huo utakao vishirikisha pia vyama vya upinzani.

Msimamo huo wa Pinda umekuja siku chache baada ya jina lake kukatwa katika kinyang'anyiro cha urais ndani ya CCM hivi karibuni mjini Dodoma.

Pinda alikuwa kati ya wanachama 38wa CCM waliojitosa katika kinyang'anyiro cha urais kwa tiketi ya chama hicho.

Hata hivyo, jina lake lilikuwa miongoni mwa majina yaliyokatwa kwa mara ya kwanza na kubakia matano ambayo yalipelekwa kwenye Kamati Kuu (CC) ya CCM.

Majina yaliyopelekwa kwenye kamati hiyo yalikuwa ni ya Waziri wa Mambo ya Nje na Ushirikiano wa Kimataifa, Bernard Membe, Waziri wa Ujenzi, Dk. John Magufuli, Dk. Asha-Rose Migiro, Balozi Amina Said Salum na January Makamba.

Majina hayo yalipelekwa Halmashauri Kuu (Nec) ya CCM ambapo wajumbe wake walipitisha majina matatu kati ya matano.

Waliopenya katika kinyang'anyito hicho ni Dk. Magufuli, Dk. Migiro na Amina na kupelekwa mbele ya Mkutano Mkuu na wajumbe kupiga kura na kumpata Dk. Magufuli atakayepeperusha bendera ya chama hicho kumtafuta Rais wa Jamhuri ya Muungano wa Tanzania.

Pinda aliteuliwa kushika wadhifa wa Uwaziri Mkuu na Rais Jakaya Kikwete, baada ya aliyekuwa akishikilia wadhifa huo, Edward Lowassa, kujiuzulu baada ya kuhusishwa na kashfa ya Richmond mwaka 2007.

BODI YA MIKOPO KWA WANAFUNZI WA ELIMU YA JUU YAONGEZA MUDA WA MAOMBI HADI JULY 31

Bodi ya Mikopo ya Wanafunzi wa Elimu ya Juu (HESLB) imeongeza muda wa waombaji mikopo kwa mwaka wa masomo 2015/2016 kuwasilisha maombi yao hadi mwishoni mwa mwezi huu (31 Julai, 2015).

Kwa mujibu wa taarifa iliyotolewa leo (Jumatano, Julai 15, 2015) na Mkurugenzi Mtendaji wa (HESLB) Bw. George Nyatega, hatua hiyo imechukuliwa ilikuwapa fursa wombaji ambao hawajakamilisha kufanya hivyo.

"Hatua hii imechukuliwa ili kuwapa fursa wale ambao kwa sababu mbalimbali hawakuweza kufanya maombi ya mikopo katika muda uliopangwa," amesema Bw. Nyatega katika taarifa yake iliyosambazwa kwenye vyombo vya habari.

Itakumbukwa kuwa awali Bodi ilianza kupokea maombi kwa njia ya mtandao (www.olas.heslb.go.tz) tarehe 4 Mei, 2015 na mwisho wa kuwasilisha maombi ulipangwa kuwa tarehe 30 Juni, 2015.

Kupitia taarifa yake, HESLB imewataka waombaji wa mikopo kwa mwaka wa masomo 2015/2016 ambao hawajakamilisha maombi yao kukamilisha na kuwasilisha maombi yao ya mikopo ndani ya muda ulioongezwa na kusisitiza kuwa hakutakuwa na muda mwingine wa nyongeza baada ya tarehe 31 Julai, 2015.

HESLB ilianzishwa kwa sheria ya Bunge na 9 ya mwaka 2004 na kuanza kazi rasmi mwezi Julai, 2005 ili, pamoja na majukumu mengine kutoa mikopo kwa wanafunzi wahitaji waliodahiliwa katika taasisi za elimu ya juu.

MAGUFULI NDIYE MGOMBEA WA URAIS CCM

Chama Cha Mapinduzi (CCM) kimemtangaza daktari John Magufuli kuwa mgombea wake wa kiti cha Urais katika uchaguzi mkuu wa ujao.

Daktari John Magufuli, alisajili asilimia 87.1 % ya kura za wajumbe, hiyo ikiwa ni kura 2104.

Bi Amina Salulm Ali alimaliza katika nafasi ya pili akiwa na asilimia 10.5 % ya kura zote ikiwa ni sawa na kura 253.

Dk. Asha-Rose Migiro akijizolea asimilia tatu ya kura ya wajumbe ama kura 59(2.4%).

Kufuatia ushindi huo Daktari Magufuli ndiye atakaye kuwa mgombea urais wa chama hicho katika uchaguzi mkuu ujao unaotarajiwa kufanyika Oktoba mwaka huu

Mpaka sasa haijafahamika nani atakuwa mgombea mwenza.

Hata hivyo tetesi zilizoenea zinaashiria kuwa Amina Salum Aliana nafasi kubwa ya kuchaguliwa kuwa mgombea mwenza kutokana na kwamba yeye ndio amekuwa wa pili katika kinyang'anyiro hicho.

Pia ikizingatiwa kwamba yeye ni mtanzania mwenye asili ya Zanzibar.

WAZIRI MKUU WA SERBIA APIGWA MAWE BOSNIA

Waziri mkuu wa Serbia Aleksandar Vucic,amepigwa mawe na kufukuzwa na raia wa Bosnia katika hafla ya ukumbusho wa miaka 20 ya mauaji ya halaiki ya watu katika mji wa Srebrenica Waziri huyo alilazimika kutorokea maisha yake bada ya kutupiwa chupa mawe na matusi.

Mashamblizi hayo yalitokea bwana Vucic alipokuwa akiondoka kwenye hafla hiyo iliyoandaliwa katika makaburi ya takriban wahanga 136 wa mauaji hayo.

Inaaminika kuwa waziri Vucic aligongwa na jiwe kichwani.

Vikosi vya majeshi ya Bosnia Serbia viliwaua wanaume 8000 waisilamu na wavulana wa Srebrenica baada ya kuvamia kambi ambayo ilistahili kulindwa na umoja wa mataifa.

Mauaji hayo yanadaiwa kuwa ndiyo yaliyoisababisha Yugoslavia kuvunjika.

Hii leo sherehe hizo zitakamilika kwa maziko ya waathiriwa136 ambao mabaki yao yalitambuliwa hivi majuzi kwa kutumia DNA.

Rais wa zamani wa marekani Bill Clinton ni mmoja wa wale wanaodhuruia maadhimisho hayo.

Awali waziri mkuu Vucic alikuwa ametoa risala za rambirambi japo aliepuka kukiri kuwa yalikuwa mauaji ya halaiki.

WATUPWA SIKU 1 JELA KWA KUKOJOA HADHARANI

Watu 109 wamehukumiwa kifungo cha siku moja jela kwa kukojoa hadharani huko India.

Polisi waliwakamata takriban watu 109 kwa kukojoa katika vituo vya usafiri wa umma na reli.

Wale wote waliokamatwa wanatuhumiwa kwa kupatikana na hatia ya kukojoa nje ama ndani ya vituo vya reli mjini Agra Kaskazini mwa India.

Waliokamatwa watahukumiwa kifungo cha saa 24 korokoroni ama walipe faini ya kati ya dola mbili na kumi au vyote.

Maafisa wa afya ya umma wanasema walifanya operesheni hiyo kwa ghafla ilikukabili uvundowa mkojo unaoathiri afya ya mamilioni ya watu wanaotumia huduma hiyo ya reli nchini India.

Mkuu wa polisi katika eneo hilo GRP, Gopeshnath Khanna aliyeongoza operesheni hiyo anasema kuwa itaendelea hadi wahindi wanaolaumiwa kwa kuharibu mazingira kwa kutema mate ukutani baada ya kutafuna thambuu na tumbako iliyowekwa rangi na kukojoa katika maeneo ya umma watakapo badili tabia zao.

Aidha wasafiri wa reli wanasemekana kupigwa na harafu mbaya ya mkojo pindi wanapoingia ndani ya vituo hivyo.

Operesheni hiyo ni sehemu ya kampeini ya waziri mkuu mpya wa India Narendra Modi ya kuimarisha afya ya umma al maarufu 'Swachh Bharat.

Waandishi wa habari katika eneo hilo la Agra wanasema hii ndio mara ya kwanza kwa maafisa wa kulinda afya ya umma kwa ushirikiano na serikali ya majimbo kuwakamata vikojozi.

Takwimu za afya nchini humo zinaonesha kuwa takriban watu milioni mia sita 600 m ama nusu ya raia wa India hawana vyoo.

WATU WATATU WAFARIKI WAWILI KATI YAO WAHISIWA KUWA MAGAIDI

Watu watatu wamefariki dunia wawili kati yao wanasaidikiwa kuwa ni kundi la magaidi pamoja na raia mmoja baada mapigano kutokea kufuatia msako uliofanywa na jeshi la polisi kwa kundi la vijana wanaojinadi kuwa ni magaidi wapato 50 waliokuwa na silaha mpakani mwa mkoa wa Tanga na Morogoro kupitia msitu wa mziha turiani wilayani Mvomero.

Kamishina msaidizi wa jeshi la polisi mkoa wa Morogoro(ACP) Mussa Marambo akizungumza na waandishi wa habari ofisi kwake amesema jeshi la polisi mkoa wa Morogoro wakishirikiana na askari wa mkoa wa Tanga linawashikilia watu sita wanaojinadi kuwakundi la magaidi kufutia msako mkali uliofanyika baada kuona kundi la vijana wasiojulikana watokako wakiwa na silaha mbalimbali za moto wakielekea mkoani morogoro na wamekimbilia katika misitu.

Kwamujibu wa matroni wa zamu katika hospital ya Bwagala Turiani Lidya mhina akizungumza amethibitisha hospitali imepokea maiti mbili ambazo si raia wa Tanzania pamoja na majeruhi mmoja raia ambaye alifariki muda mfupi wakati akipatiwa matibau na askari mmoja aliejeruhiwa amelazwa anaendelea kwa matibabu katika hospitali hiyo.

KONDOM ZINAZOTAMBUA MAAMBUKIZI YA ZINAA

Wanafunzi katika shule moja nchini Uingereza wameunda mipira ya kondomu inayowaonya watumiaji wanapojamiana na mtu aliyeambukizwa maradhi ya zinaa.

Kondomu hiyo inabadili rangi pindi inapokutana na majimaji ya mtu anayeugua maradhi ya zinaa.

Kondomu hiyo S.T.EYE inaweza kutambua maambukizi ya Chlamydia Kaswende na Kisonono.

Kulingana na wanafunzi hao kondomu hiyo inabadili rangi tofauti kulingana na bakteria iliyopo.

Uvumbuzi huu ni wa Daanyaal Ali, 14, Muaz Nawaz, 13 na ChiragShah, 14, ambao ni wanafunzi katika shule ya Isaac Newton Academy iliyoko Ilford, Essex, nchini Uingereza.

''Tuliazimia kumpa onyo mtumiajiwa mipira hii kuwa mpenzi wake yuko salama ama ni mgonjwa bilaya wasiwasi wa kupimwa hospitalini''.

Wanafunzi hao tayari wametunukiwa, tuzo la ubunifu la''the TeenTech''.

Daanyall alisema kuwa"Walizindua kondomu hiyo ilikuifaidi kizazi kijacho''

''Kwa hakika swala la usalama wa mpenzi wako ni swala la kibinafsi kwa hivyo ni swala linalopaswa kupewa kipaombele haswa ikifahamika kuwa tunawajibu wa kuchochea ngono salama bila ya kuwashurutisha wapenzi wetu kufika hospitalini bila wao wenyewe kukusudia''

Wanafunzi hao waliwalitunukiwa pauni elfu moja pamoja na fursa ya kuzuru Kasri la Malkia wa Uingereza Buckingham Palace.

Muasisi wa kampuni ya ubunifu wa kiteknolojia, TeenTech, Bwana Maggie Philbin, alisema kuwa

"Ni wajibu wetu kama jamii kuchochea ubunifu unaopatikana madarasani kuchochewa na kupigwa msasa kwa minajili ya kuboresha maisha ya mwanadamu''